Mavzu: Ma'lumotlarni tiklash

Mavzu: Ma'lumotlarni tiklash.

Reja:

1. Kompyuterdagi nosozliklar.

2. O`chib ketgan ma`lumotlarni tiklovchi dasturlar.
3. Ma`lumotlarni tiklash

Kompyuteringiz sekin ishlay boshlasa, darrov «Windows ni qaytadan o‘rnat», deb maslahat beradilar. Kompyuter tezligini asliga qaytarishning boshqa bir nechta usullari bor, oldin o‘shalarni qo‘llang.

Kompyuter sekin ishlashiga ko‘p hollarda befoyda fayllar va qattiq diskdagi xatolarning ko‘pligi sabab bo‘ladi. Agar siz vaqti-vaqti bilan profilaktika o‘tkazib tursangiz, kompyuteringiz uzoq vaqt nuqsonsiz ishlay oladi.
Kompyuterni tekshirish uchun har bir Windowsda mavjud xizmat dasturi – Проверка диска (Diskni tekshirish)dan foydalanamiz.
Fayllarning qayerdaligi haqidagi barcha ma’lumot kompyuterning maxsus fayllar joylashuvi jadvali (FAT yoki NTFS)da saqlanadi.
Har gal biror dastur ishga tushayotganda Windows kerakli fayl qayerdaligini aniqlash uchun ushbu jadvalga murojaat qiladi.
Agar, qandaydir sabablarga ko‘ra, jadvaldagi ma’lumot amaldagi holatga muvofiq kelmay qolsa, fayl haqidagi ma’lumotni olib bo‘lmaydi. Bunday xatolar asosan kompyuter noto‘g‘ri o‘chirilganda ro‘y beradi (bu haqda o‘tgan sonda yozgan edik).
Bu xatolar boshida arzimagan ko‘rinsa ham, lekin vaqtida tuzatilmasa, yomon oqibatlarga olib kelishi mumkin.
Ularni tuzatish esa, juda oson – disklarni birrov tekshirib chiqish kerak, xolos. Buning uchun «Мой компьютер» darchasidagi tekshiriladigan disk (masalan, D diski) yorlig‘iga sichqonchaning o‘ng tomoni bilan bosamiz.
Paydo bo‘lgan menyudan eng pastdagi «Свойства» («Xususiyatlar») qatorini tanlaymiz, «Свойства» darchasi paydo bo‘ladi.
U yerda «Сервис» («Xizmatlar») ilovasini ochamiz va «Выполнить проверку» («Tekshirish») tugmasini bosamiz, tekshirishning ikkala o‘lchamlari qarshisiga tasdiq belgisini qo‘yamiz va «Запуск» («Ishga tushirish») tugmasini bosamiz.
Tekshirish jarayonida diskni ishlatib bo‘lmaydi. Agar unda ancha katta hajmdagi ma’lumotlar bo‘lsa, tekshirish uzoq davom etishi mumkin.
Tekshirish boshlangach, oxirigacha sabr bilan kuting va boshqa disklarda ham xuddi shunday amaliyotni bajaring.
Agar tekshirishning to‘liq bo‘lishi uchun kompyuterni qayta yoqish kerakligini bildiruvchi xabar paydo bo‘lsa, tegishli darchadagi «Да» («Ha») tugmasini bosing. Qayta yoqish jarayonida ko‘k ekran paydo bo‘ladi va tekshirish Windows ishga tushishidan oldin amalga oshiriladi.
Mana, shu bilan tekshirish ham tugaydi. Bu ishni vaqti-vaqti bilan bajarib turganingiz ma’qul. Agar tizim ishida biror nuqson sezsangiz, birrov tekshirib olish hech ham zarar qilmaydi.