Mavzu: Maktabgacha tarbiya muassasasida umumiy tabiat burchagini, har bir guruhda jonli burchakni tashkil etish

Turli guruhlarda tabiat burchagini tashkil etish
Kichik guruhda:
O’simliklar dunyosi: xitoy atir guli, fuksiya, doimiy gullovchi begoniy.
Baliqlar: Tilla baliq.
Qushlar: Sa`va, snegir.
Hayvonot: quyon, olmaxon.
O’rta guruh:
O’simliklar dunyosi: begoniya reke, asparagus, xushboy yorongul, aloe.
Baliqlar: Tilla baliq turlaridan vuallexvost, teleskop.
Qushlar: Snegir jufti bilan.
Hayvonot olami: Kichik guruxda tavsiya etilgan hayvonlar saqlanadi.
Katta guruh:
O’simliklar dunyosi: Tradeskantsiyaning 2-3 turi, plyush, aloe, zigakaktus, amaralis.
Baliqlar: Guppi, me`yasits skalyariy.
Qushlar: Taram - taram to’tiqush, quyi guruhdagi qushlarni saqlash mumkin.
Hayvonot olami: Tipratikan, osmaxon, toshbaqani saqdash mumkin.
Tayyorlov guruh:
O’simliklar guruhi: amaralis, slivaya, krinum.
Baliqlar: 2-3 tur baliq bo’lishi kerak, quyi guruhdagi baliqlar ham tavsiya etiladi
Qushlar va mayda sut emizuvchilardan tabiat burchagiga tavsiya etilganlar istalgancha saqlash mumkin.
Doimiy yashovchilar yil davomida xona o’simliklari, baliqlar va shu kabilar yashasalar, vaqtincha yashovchilar esa guruhga qisqa muddatga olib kiriladi. Bular mahalliy o’lka o’simlik va hayvonlari bo’lib, ularning hayot faoliyatlari u yoki bu mavsumda alohida qiziqarli va yorqin bo’ladi. Bahorda dastlabki gullar, kuzda qiyg`os gullaydigan gulxonadagi dekorativ o’simliklar, xashoratlar va shu kabilar. Demak, xonaga tabiat burchagiga ob`ekt tanlashda yuqoridagi talablarga rioya qilgan holda, o’lkani tabiiy sharoitini hisobga olish zarur.
Har bir guruh uchun ob`ekt tanlashda guruh bolalarining yosh xususiyatlarini, bilim darajasini, bog`chaning tabiiy sharoitini hisobga olish lozim, hamda o’simlik va hayvonlarni tanlashda eng avvalo bolalarning predmetlarni idrok etish xususiyatlarini e`tiborga olish muhimdir. Shuningdek ta`limiy masalalar nazarda tutiladi.
2-kichik guruxdan bolalar o’simliklarni parvarish qilishga jalb qilinadi. Hayvonlarni bolalar kuzatar ekanlar, ular hayvonlarning chiqaradigan tovushlari, xatti-harakatlari, gavda qismlarini bilib oladilar.
O’rta guruxda bolalar predmetlarning xususiyatlari va sifatlarining xilma - xilligi, rangi, kattaligi va shu kabilarni ko’ra olish malakalarini hosil qilgan bo’ladilar. Bolalar ko’rish, predmetlarni o’xshash va farq qiluvchi tomonlarini ajratish, umumlashtirishga o’rganadilar. O’simlik va hayvonlar haqidagi bilimlar murakkablashadi. O’simlik hayoti uchun zarur bo’lgan sharoitlar bilan tanishadilar.
Katta tayyorlov guruhda, bolalarning predmetlarni kuzatish, solishtirish, klassifikatsiyalash ko’nikmalari davom ettiriladi. Bolalarda turlicha o’simlik va hayvonlarning rivojlanishi uchun zarur bo’ladigan sharoitlarni, ko’payish xususiyatlari haqidagi bilimlarni kengaytirib boradilar. Bundan tashqari ular tabiat olamidagi muhim bog`liqliklar-o’simliklarni komleks sharoitlarga, hayvonlarni tashqi tuzilishi, hayot tarzini yashash muhitga bog`liqligi haqidagi elementar bilimlar shakllantiriladi. Bolalar turli mavsumlarda o’simlik va hayvonlar hayotida, ularni o’sishi va rivojlanishining asosiy davrlarini biladilar, tanishadilar.