Мавзу: Локал компьютер тармоқлари

Юлдузсимон топология марказий узел концепциясига асосланади. Унга сиртқи узеллар уланади. Ҳар бир сиртқи (периферия) узел марказий узел билан алоҳида ўз алоқа тармоғига эга. Барча маълумотлар марказий узел орқали узатилади. Марказий узел тармоқдаги ахборот оқимини ретрансляция қилади ва йўлга солади.
Юлдузсимон топология ЛҲТ узелларининг бир-бири билан ўзаро таъсирини осонлаштиради. Айни пайтда ЛҲТнинг юлдузсимон топология билан ишлаш қобилияти марказий узелга боғлиқ. Мавжуд ҳисоблаш тармоқларида нисбатан мураккаб топологиядан фойдаланилиши мумкин.
У ёки бу топологияни танлаш ЛҲТни қўллаш соҳаси, унинг узеллари географик жойлашуви ва тармоқ ҳажми билан белгиланади.


Локал тармоқлар дастурий таúминоти.

Тармоқларнинг асосий вазифаси фойдаланувчиларга турли хил хизматлар кўрсатишдир. Бирор хизматни амалга оширувчи дастурий таъминот ушбу хизмат сервери ҳисобланади. Хизмат кўрсатиш ва серверларга мисол тариқасида қуйидагиларни келтириш мумкин: файлли сервер, босмали сервер, электрон почта сервери, коммуникацион сервер. Тармоқли дастурий таъминот локал тармоқда хизмат кўрсатиш ва ишлашнинг турли вариантларини амалга оширади.

Бир даражали (бир рангли) тармоқларда барча компьютерлар тенг ҳуқуқли. Улар тармоқда алоҳида иш жойи сифатида ишлайди, лекин айни шу пайтда ҳар қандай тармоқ компьютерининг дискидан, босиш қурилмасидан ҳамкорликда фойдаланиш маълумотларни узатиш имконияти мавжуд бўлади. Локал тармоқда кенг тарқалган иш варианти сифатида файл-сервер концепциясидан фойдаланилади. У марказий, нисбатан кучли тармоқ компьютерининг дастурий таúминоти томонидан амалга оширилади. Файл-сервер тармоқ ресурсларини бошқаради ва бошқа компьютерлар ишчи станцияларидан кириш имконини беради. Фойдаланувчи томонидан биргаликда фойдаланиш учун тақдим этиладиган асосий ресурс бу марказий компьютернинг дискли хотирасидир. Бу компьютер ҳам файл-сервер деб юритилади. Ишчи станциялар фойдаланувчининг фаол ишлаши учун мўлжалланган. Ишчи станция сифатида нисбатан арзон принтер ва ҳатто қаттиқ дискка эга бўлмаган компьютерлардан фойдаланиш мумкин. Дастурий таúминот тармоқнинг барча фойдаланувчисига дастур ва маълумотларни сақлаш учун файл-сервернинг ташқи хотирасини, умумий принтерини тақдим этади ва ишчи станциялари ўртасида ахборотлар алмашинувини таъминлайди. Файл-серверда сақланувчи дастурлар ва маълумотлар бажариш ва қайта ишлаш учун ишчи станцияга алоқа канали орқали узатилиши керак.
Тармоқ фаолиятини қувватловчи ва тармоқ хизматини ташкил этувчи тармоқнинг дастурий таъминоти тармоқли операцион тизимни амалга оширади. Тармоқ операцион тизим тармоқ иши учун зарур. Чунки локал шахсий компьютерлар учун операцион тизимлардан бири - DОS, Windоws 95, ОS/2, UNIX зарур.
Тармоқ операцион тизим файл-серверда одатдаги вазифалардан ташқари (дискка кириш, файлларни сақлаш, хотирадан фойдаланиш) файл-сервердаги маълумотларга рухсатсиз киришдан ҳимоялайди ва фойдаланувчи ҳуқуқлари асосида бошқаради. Бундан ташқари операцион тизим турли операцион тизим ўрнатилиши мумкин бўлган барча ишчи станциялар билан ишлашни таъминлайди.