Mavzu: Lizing – Temir yo’l transportida investitsion loyihalarni moliyalash manbai sifatida

2.1. “O’zbekiston temir yo’llari” AJ “Ko’prikqurilish tresti” UKga qarashli “Ko’prikqurilishbutlash” shu’ba korxonasi tavsifi. Jadal suratda rivojlanib borayotgan respublikamiz iqtisodiyotiga “O’zbekiston temir yo’llari” AJ kompaniyasi ham ulkan hissa qo’shib kelmoqda. Shuning uchun ham “O’zbekiston temir yo’llari”ni bejizga iqtisodiyotimizning qon tomirlari deb atashmaydi. Xususan, “O’zbekiston temir yo’llari” AJ “Ko’prikqurilish tresti” UKga qarashli “Ko’prikqurilishbutlash” shu’ba korxonasi ham yurtimiz ravnaqiga o’zining hissasini qo’shib kelmoqda. Shuning uchun ham avtomobil yo‘llari ko‘priklari, yo‘l o‘tkazgichlar va boshqa sun’iy inshootlar qurish tizimini yanada takomillashtirish, transport infratuzilmasini rivojlantirish, shuningdek, ulardan foydalanish samaradorligini oshirish maqsadida “O’zbekiston temir yo’llari” AJ “Ko’prikqurilish tresti” UK tashkil etilgan. “O‘zbekiston temir yo‘llari” aksiyadorlik jamiyatining “Ko‘prikqurilish” tresti” Unitar korxonasi avtomobil yo‘llari ko‘priklarini, yo‘l o‘tkazgichlar (yondoshish yo‘llari bilan birga 500 pogon metrdan ko‘proq uzunlikda) va boshqa sun’iy inshootlarni ekspluatatsiya qilish bo‘yicha vakolatli tashkiloti hisoblanadi. “O‘zbekiston temir yo‘llari” aksiyadorlik jamiyatining “Ko‘prikqurilish” tresti” UK tarkibida quyidagilar tashkil etilgan:

• 
  ikkita ixtisoslashgan filial — avtoyo‘l ko‘priklari, yo‘l o‘tkazgichlar va boshqa sun’iy inshootlarni qurish va qayta qurish bo‘yicha 1 va 2-sonli ko‘prik qurilish otryadlari;
  
• 
  hududiy tuzilmaviy bo‘linmalarga ega bo‘lgan, avtoyo‘l ko‘priklari, yo‘l o‘tkazgichlar va boshqa sun’iy inshootlardan foydalanish bo‘yicha unitar korxona;
  
• 
  “Avtoyo‘l ko‘priklari, yo‘l o‘tkazgichlar va boshqa sun’iy inshootlarni loyihalashtirish bo‘yicha institut” UK;
  
• 
  “Avtoyo‘l ko‘priklari, yo‘l o‘tkazgichlar va boshqa sun’iy inshootlarni qurish bo‘yicha direksiya” UK;
  
• 
  “Qurilish sifati bo‘yicha laboratoriya” UK;
  
• 
  “Ko‘prikqurilish” tresti” UKning 13-sonli ko‘prik otryadi ishlab chiqarish bazasida “Temir-beton va boshqa konstruksiyalarni tayyorlash bo‘yicha zavod” UK;
  
• 
  “Mexmost” AJni qayta tashkil etish yo‘li bilan “Maxsus temir-beton buyumlar va konstruksiyalar ishlab chiqarish zavodi” unitar korxonasi;
  

Bu borada “O’zbekiston temir yo’llari” AJ “Ko’prikqurilish tresti” UK o’zining faoliyatini olib borishida o’zining nizomiga asosan ish olib boradi.