Mavzu: Limfatik tizim Reja: I. Kirish II. Asosiy qism

III. Xulosa
Limfa sistemasi - odam va umurtqali hayvonlarda to’qima va a’zolardan limfa olib ketib, venoz sistemasiga quyadigan kapillyarlar va boshqa tomirlar.
Odamning limfa sistemasi - limfa kapillyarlari turi, limfa tomirlari, limfa tugunlari hamda ikkita limfa yo’lidan tashkil topgan.
Limfa sistemasi yuraktomir sistemasiga kiradi. Limfa kapillyarlari bosh qismi berk sirtmoq va bo’rtmalar hosil qiluvchi turli shakldagi naychalardan iborat. Ular bosh va orqa miya, taloq, tog’ay, ko’z oqi hamda gavhari va platsentadan tashqari barcha a’zolarda mavjud. Limfa kapillyarlarining diametri qon tomir kapillyarlarnikidan bir necha marta ortiq. Ular devori yuqori o’tkazuvchanlikka ega. Limfa kapillyarlari to’ridan limfa tomirlari shakllanib, ularda limfa oqimini yo’naltirib turadigan klapanlar (qopqoqchalar) bo’ladi.
Limfaning hujayra elementlari limfotsitlar, monotsitlar va bir ozgina donali leykotsitlardan iborat. Limfa sistemasining organlarida qonning limfoid elementlari hosil bo’ladi va barer funktsiyasini o’taydi, ya’ni organizmga kirib qolgan yot jism va bakteriyalarni zararsizlantiradi. Rak o’smalari limfa yo’llari orqali tarqaladi (metastaz beradi). Limfa sistemasm limfa kapillyarlari, organ ichidagi va organ sirtidagi olib ketuvchi limfa tomirlari, limfa tugunlari va ikkita asssiy limfa stvoli: o’ng va chap ko’krak limfa yo’llaridan iborat.
Limfa - rangsiz, tiniq suyuqlik bo'ladi. Limfada fibrinogen borligidan, u ivib, g'ovak, sarg'ish laxta hosil qila oladi. Limfatik tomirlarda limfaning harakat tezligi 0,4-0,5 m/s tashkil qiladi. Limfaning kimyoviy tarkibi qon plazmasiga yaqin, biroq ,farqi shundaki, limfa tarkibida oqsil moddalar kamroq uchraydi. Uning tarkibiga oqsillardan-protrombin va fibrinogen kiradi, shu bois u ivish qobiliyatiga ega, lekin limfaning bu qobiliyati qonga nisbatan pastroq bo'ladi.
Odam tanasida 460 ta limfa tuguni mavjud. Shundan 1-2 l limfa suyuqligi bo’ladi. Bir kecha kunduzda 1200-1500 ml limfa suyuqligi ishlab chiqariladi.