Mavzu: Lavozim yo’riqnomasi namunasi

ТАСДИҚЛАЙМАН*

				(директор, лавозим йўриқномасини тасдиқлаш ваколатига эга бўлган бошқа мансабдор шахс)
				(имзо)		(Ф.И.О.)
				М.Ў.		(сана)

БУХГАЛТЕРНИНГ
ЛАВОЗИМ ЙЎРИҚНОМАСИ
I. Умумий қоидалар

1. Бухгалтер мутахассислар тоифасига киради. Бухгалтер билан меҳнат шартномасини ___________________ тақдимотига кўра корхона директори тузади ва бекор қилади.

2. Қуйидаги талабларга жавоб берадиган шахс бухгалтер лавозимига қабул қилинади: маълумоти – олий ёки ўрта махсус, худди шундай ишда камида бир йиллик иш стажига эга бўлиш, бухгалтерия ҳисобини юритиш бўйича компьютер дастурларини билиш.

3. Бухгалтер ўз фаолиятида қуйидагиларга амал қилади:

- бухгалтерия ҳисоби ва ҳисоботи масалаларини кўриб чиқувчи норматив-ҳуқуқий ҳужжатлар;
- тегишли масалаларга тааллуқли методик материаллар;
- корхона устави;
- ички меҳнат тартиби қоидалари, корхона раҳбари (директори) (бевосита раҳбари) буйруқлари;
- мазкур лавозим йўриқномаси.

4. Бухгалтер қуйидагиларни билиши керак:

4.1. мол-мулк, мажбуриятлар ва молиявий-хўжалик операцияларнинг бухгалтерия ҳисобини ташкил этиш ва ҳисобот тузиш бўйича норматив-ҳуқуқий ҳужжатлар, методик материаллар;
4.2. корхонадаги бухгалтерия ҳисоби шакллари ва усуллари;
4.3. счётлар режаси ва корреспонденцияси;
4.4. бухгалтерия ҳисоби участкалари бўйича ҳужжат айланишининг ташкил этилиши;
4.5. асосий воситалар, товар-моддий бойликлар ва пул маблағлари ҳаракати билан боғлиқ операцияларни ҳужжатлар билан расмийлаштириш ва бухгалтерия ҳисоби счётларида акс эттириш тартиби;
4.6. корхонанинг молиявий-хўжалик фаолиятини иқтисодий таҳлил қилиш усуллари;
4.7. ҳисоблаш техникасидан фойдаланиш қоидалари;
4.8. иқтисодиёт асослари, меҳнат ва бошқарувни ташкил этиш;
4.9. хўжалик юритишнинг бозор усуллари;
4.10. ички меҳнат тартиби қоидалари;
4.11. меҳнатни муҳофаза қилиш бўйича нормалар, қоидалар ва йўриқномалар;
4.12. ___________________________________________________________________.
5. Бухгалтер ўз ишида қуйидагиларга амал қилади:
5.1. "Бухгалтерия ҳисоби тўғрисида"ги ЎзР Қонуни (13.04.2016 йилдаги ЎРҚ-404-сон Қонуни билан тасдиқланган таҳрирда), Бухгалтерия ва корхонанинг бошқа локал ҳужжатлари тўғрисида низом;
5.2. мазкур лавозим йўриқномаси;

5.3

6. Бухгалтер бевосита ________________________________га бўйсунади.

7. Бухгалтер вақтинча ишда бўлмаган вақтда (таътилда, касал бўлганда ва б.) белгиланган тартибда тайинланган, тегишли ҳуқуқларга эга бўлган, зиммасига юклатилган мажбуриятларни бажармаганлик ва лозим даражада бажармаганлик учун жавобгар бўлган шахс унинг мажбуриятларини бажаради.