Mavzu: Kreditning zarurligi, funksiyalari, turlari va shakllari

Davlat byudjeti taqchilligini qoplashning boshqa manbalari ham mavjud bo‘lib, ularning asosiylari sifatida quyidagilarni keltirish mumkin:

Davlat byudjeti taqchilligini qoplashning boshqa manbalari ham mavjud bo‘lib, ularning asosiylari sifatida quyidagilarni keltirish mumkin:

amaldagi soliq stavkalari miqdorini oshirish;

muomalaga qo‘shimcha pullarni (xazina biletlarini) emissiya qilish;

Markaziy bankdan kredit qarzlarini olish;

xalqaro kredit va moliyaviy yordam so‘rash.

Davlat byudjeti taqchilligini qoplash uchun amaldagi soliq stavkalari miqdorini oshirish iqtisodiyot tarmoqlarining rivojlanishiga salbiy ta’sir ko‘rsatadi. Bunday holatda, xo‘jalik yurituvchi subyektlar soliq bazasini kamaytirib ko‘rsatish, ikkilamchi buxgalteriyani yuritish hamda xufyona iqtisodiyotning rivojlanishiga moyillik tug‘iladi.

Muomalaga qo‘shimcha pullarni chiqarish hisobiga davlat byudjeti taqchilligini qoplanishi iqtisodiyotda tovar va pul massasi o‘rtasidagi muvozanatni ta’minlashga salbiy ta’sir ko‘rsatadi. Ya’ni, pul massasi tovar massasiga nisbatan ortib ketadi, bunday holatda milliy valyutaning sotib olish qobiliyati pasayadi va inflyatsiya darajasining ortishiga sabab bo‘ladi. Markaziy bankning krediti davlat byudjeti taqchilligini qoplashning boshqa manbalariga nisbatan bir muncha samaraliroq hisoblanadi, lekin Markaziy bank tomonidan berilgan kreditlar asosan 3 oy muddatga berilib, ushbu muddatdan ortib ketishi mumkin emas.