Mavzu: Korxonaning tuzilishi va boshqaruvi jixatdan bo‘limlari tarkibi bilan tanishish

3- Mavzu uchun nazorat savollari:

1. 
   Buxgalteriya apparati qanday bo‘limlardan tashkil topadi?
   
2. 
   Korxonaning bosh buxgalteri kimga bo‘ysunadi?
   
3. 
   Hisoblashish bo‘limining ishi nimadan iborat?
   
4. 
   Hisob yuritish siyosati deganda nima tushuniladi?
   
5. 
   Korxonaning hisob yuritish siyosatini tanlash va asoslashga qanday omillar ta’sir etadi?
   

4-Mavzu: Korxonada qo‘llaniladigan buxgalteriya hisobi schyotlar rejasi,
boshlang‘ich hujjatlar va hujjat aylanishi bilan hamda qo‘llaniladigan
buxgalteriya hisobi shakllari bilan, buxgalteriyaning joriy arxivini
tashkil qilish bilan tanishish.

Korxonada buxgalteriya hisobini tegishlicha tashkil etish uchun korxona moliyaviy-xo‘jalik faoliyatining buxgalteriya hisobi hisobvaraqlari rejasi hamda har bir hisobvaraq tavsiflangan va ularga doir hisobvaraqlarning namunaviy korrespondensiyasi berilgan rejani qo‘llash bo‘yicha yo‘riqnomadan to‘g‘ri foydalanish katta ahamiyatga ega hisoblanadi.

Buxgalteriya hisobi milliy andozalarini amalga tatbiq etish va bu boradagi ishlarni yangi bosqichga ko‘tarish maqsadida buxgalteriya hisobvaraqlarining yangi rejasi ishlab chiqilgan. «Xo‘jalik yurituvchi sub’ektlar moliyaviy-xo‘jalik faoliyatining buxgalteriya hisobi hisobvaraqlari rejasi va uni qo‘llash bo‘yicha yo‘riqnoma» nomli 21-son BHMA O‘zbekiston Respublikasi «Buxgalteriya hisobi to‘g‘risida»gi Qonunining 5-moddasiga binoan ishlab chiqilgan.

Xo‘jalik yurituvchi sub’ektlar moliyaviy-xo‘jalik faoliyatining buxgalteriya hisobi hisobvaraqlari rejasi asosida xo‘jalik muomalalari buxgalteriya hisobvaraqlari ishchi rejasini tuzadilar va u xo‘jalik yurituvchi sub’ektning hisob siyosatida aks ettiriladi.