Mavzu: Korparatsiyalar moliyaviy siyosati va uni amalga oshirish yo'nalishlari Reja: Kirish

2. "Buxorodonmahsulotlari" AJ moliyaviy siyosati tahlili

Jamiyat toʼliq nomi

“Buxorodonmahsulotlari” Аktsiyadorlik jamiyati
Jamiyat joylashgan yeri
Oʼzbekiston Respublikasi, 200113, Buxoro viloyati, Buxoro shahri, Xofiz Tanish Buxoriy koʼchasi, 19-uy
Jamiyat tarixi
1995 yil – Oʼzbekiston Respublikasi Prezidentining 1994 yil 22 apreldagi “Oʼzdonmaxsulot” Davlat Kontsernini “Oʼzdonmahsulot” Davlat aktsiyadorlik Korporatsiyasiga qayta tuzish toʼgʼrisida”gi PF-840-sonli Farmoni, Oʼzbekiston Respublikasi Vazirlar Maxkamasining 1994 yil 23 fevraldagi «Qishloq xoʼjaligida iqtisodiy islohotlarni amalga oshirishga doir qoʼshimcha chora-tadbirlar toʼgʼrisida»gi 88-sonli qarori hamda Oʼzbekiston Respublikasi Davlat mulkini boshqarish va tadbirkorlikni qoʼllab quvvatlash qoʼmitasining 1995 yil 27 apreldagi 123-k-PO-sonli qaroriga asosan “Buxorodonmahsulotlari” davlat korxonasi negizida “ Buxorodonmahsulotlari” Ochiq turdagi aktsiyadorlik jamiyati tashkil topildi.
2014 yil – “Buxorodonmahsulotlari” Аktsiyadorlik jamiyati shaklida qayta roʼyxatdan oʼtkazildi.
Jamiyat faoliyatning maqsadi va sohasi (asosiy yoʼnalishlari)
Jamiyatning asosiy maqsadi umumhoʼjalik faoliyatidan foyda olish hisoblanadi.
Jamiyat faoliyatining sohasi quyidagilardan iborat:
– un ishlab chiqarish va sotish;
– omuxta yem ishlab chiqarish va sotish;
– kepak ishlab chiqarish va sotish;
– urugʼlik don tayyorlash va sotish.

Ustav fondi

Jamiyat ustav fondi 617 430 200 soʼmni tashkil qiladi hamda nominal qiymati 3550 soʼm boʼlgan 173 924 dona, shundan 172 994 dona oddiy va 903 dona imtiyozli, aktsiyadorlar olgan aktsiyalarga (joylashtirilgan aktsiyalarga) boʼlingan.
Tashkiliy tuzilmasi
Jamiyat yuqori boshkaruv organi – jamiyat aktsiyadorlarning Umumiy yigʼilishi.
Jamiyat faoliyatiga umumiy rahbarlikni amalga oshirish boshqaruv organi (qonunchilik va jamiyat Ustavi bilan aktsiyadorlar Umumiy yigʼilishining vakolat doirasiga kiritilgan masalalarni xal etish bundan mustasno) – jamiyat Kuzatuv kengashi.
Jamiyatning kundalik faoliyatiga rahbarlik qilish boshqaruv organi – jamiyat kollegial ijroiya organi, Boshqaruv.
Jamiyatning faoliyatini nazorat qiluvchi organlari – jamiyat Taftish komissiyasi, Ichki audit xizmati va Korporativ maslahatchisi.
Jamiyatning qoʼyidagi shuʼba xoʼjalik jamiyatlari mavjud:
“OLTIN BOSHOQ ISSIQ NONI” MChJ 2017 yilda non va non mahsulotlariga boʼlgan extiyojini toʼliq qondirish maqsadida jamiyat tomonidan 100 foizi ulushi bilan tashkil etilgan. Joylashgan yeri: Buxoro viloyati, Buxoro shaxri, Piridastgir koʼchasi.
“KOK SAROY WACHTEL” MChJ 2017 yilda non va non mahsulotlariga boʼlgan extiyojini toʼliq qondirish maqsadida jamiyat tomonidan 100 foizi ulushi bilan tashkil etilgan. Joylashgan yeri: Buxoro viloyati, Buxoro shahri, Naqshband koʼchasi.
“RABOT NON INVEST” MChJ 2017 yilda non va non mahsulotlariga boʼlgan extiyojini toʼliq qondirish maqsadida jamiyat tomonidan 100 foizi ulushi bilan tashkil etilgan. Joylashgan yeri: Buxoro viloyati, Buxoro tumani, Rabotak MFY.

Infratuzilma

Jamiyat yer maydoni 7,377 gektarni tashkil kiladi. Jamiyat xududida maʼmuriy binosi, tegirmon, omuxta yem sexi, 3,0 ming tonnalik don saqlash uchun elevatori, 10 ming tonnaga muljallangan don ombori va boshqa infratuzilmaviy obʼektlar mavjud. Jamiyatning geografik joylashgan yeri Buxoro shaxar sanoat zonasi va iqtisodiy jixatdan qulay boʼlib, jamiyat hududida temir yoʼl liniyasi mavjud. Buxoro tumani fermer xoʼjaliklari tomonidan yetishtirilgan gʼalla hosili bevosita jamiyat xududida, Buxoro viloyati Romitan, Kurgʼon Romitan, Vobkent, Peshku va Shofirkon tumanlarida fermer xoʼjaliklari tomonidan yetishtirilgan gʼalla hosili esa jamiyatga qarashli tumanlaridagi don qabul qilish maskanlarida qabul qilinadi.¹