Mavzu: kompyuterlashtirish va kelajak kasblari

KELAJAK KASBLARI.

Bugungi kunda texnologiya shunday jadallik bilan rivojlanib bormoqdaki, 5-10 yildan keyin hech kimning hayoliga ham kelmagan kasblar paydo bo'lishi mumkin. Hozirda obro’li hisoblanganlariga esa ehtiyoj ham qolmaydi.
Futurologlar — ya'ni ko'pgina omillarni o'rganib, kelajakni tahlil qiluvchi mutaxassislarning aytishiga qaraganda, robotlar insonlarning o'rniga mehnat qilmaydilar, chunki ijod va inson omili zarur bo‘lgan kasblarga ehtiyoj saqlanib qolinadi. Sun'iy aql esa hozirning o'zida matematika yo'nalishini egallagan.
Mutaxassislarning hisobi bo'yicha, 2025 yildan keyin koinot va virtual hayot bilan bog'liq bolgan kasblarga ehtiyoj kuchayadi. Kelajakda yaxshi mutaxassis bo'lib yetishish uchun bolalar hozirdanoq tor profildagi bilimlarni emas, bir necha soha doirasidagi bilimlarni egallashlari lozim.
Kelajak kasblari, nufuzli kasblar bilan tanishing.
Virtual dunyo dizayneri.
Bu kasb uchun arxitektura dizayni, tahrirchilik va psixologiya sohasidagi bilimlar zarur. Taxmin qilinishicha, 2024 yilga kelib, virtual dunyo moslamalari bozorining narxi 40 milliard dollar deb baholanadi, 2028 yilga kelib esa millionlab odamlar ishlash uchun virtual dunyoning yangi yo'nalishlariga kiradilar. Virtual dunyo dizayneri virtual dunyoni loyihalashtirish bilan shug'ullanadi va muzokaralar o'tkazish uchun barcha imkoniyatlarni yaratadi.
Roboetika bo'yicha advokat.
Zarur bilimlar:kommunikatsiya, falsafa, etika.
Bizning hayotimizga asta-sekinlik bilan robotlar kirib kelmoqda va tabiyki kelasi o'n yilliklarda robotlar ko'pgina ish joylarini egallab oladilar. Demak o'z-o'zidan odamlar va sun'iy intellekt o'rtasida vositachilik qiluvchi shaxs kerak bo'ladi.
Madaniyatning digital-sharhlovchisi.
Kerakli bilimlar: madaniyat tarixi,piar, biznes, marketing.
On yildan keyin ijtimoiy tarmoqlarni vizual aloqa egallab oladi. Buni Instagramning yuqori ko'rsatgichlari ham isbotlab turibdi. Raqamli madaniyatni an'anaviy holga keltiruvchi digital-sohaning jonli tilini o'zlashtirgan xodimlarga ehtiyoj kuchli boladi.
Koinot gidi.
Olimlarning fikricha, 2030 yilga kelib koinot bo'ylab sayohatlar yo'Iga qo'yiladi, shunday ekan koinot turizmini maroqli bo'lishini va xavfsizligini ta'minlovchi ekskursovodlarga zaruriyat tug'iladi.