Мавзу: Комплексонометрик титрлаш методлари. Комплекс ҳосил қилиш реакциялари

7.2.1.Бевосита ва билвосита титрлаш методлари.
Титрлашни бевосита ва билвосита методлар билан олиб бориш мумкин.
а)бевосита титрлаш. Бевосита титрлашнинг бошланишида индикатор миқдори аниқланаётган металл иони билан рангли комплекс ҳосил қилади:
Ме^2  Н₂Ind  MeInd  2H^
Титрлаш охирида, яъни реагент ЭДТА эритмасидаги металлнинг ҳаммаси билан реакцияга киришиб бўлгач, индикатор билан ҳосил қилинган комплекс таркибидан металл ионларини тортиб олади ва эритмада индикаторнинг дастлабки ранги чиқади:
МеInd  H₂Y^-2  MeY^2-  H₂Ind
Демак, металл ионларини бевосита титрлаш учун : К_МеY^-2 > K_MeInd бўлиши керак Бунда К_МеY^2- металл комплексининг ЭДТА билан ҳосил қилинган комплекси: К_МеInd эса индикаторнинг металл иони билан ҳосил қилган комплекси барқарорлик константалари.
Агар металл катионининг титрант билан таъсирлашиш тезлиги кичик бўлса, ёки бевосита титрлаш учун индикатор бўлмаса, билвосита метод билан титрланади.
а)билвосита титрлаш. Бу ҳолда аниқланаётган элементнинг эритмасига концентрацияси аниқ бўлган ЭДТА дан ўлчанган ҳажмдан кўпроқ қуйилади, реакция охиригача бориш учун бироз кутилади ёки қиздирилади ва реактив (реагент) нинг реакцияга кирмай қолган қисмини Mg^2 нинг стандарт эритмаси билан эриохром қора Т индикатори иштирокида титрлаб, металлнинг миқдори ҳисоблаб топилади. Бунда ортиқча ЭДТА миқдорини титрлаш учун барқарорлиги аниқланаётган металлнинг ҳосил қилинган комплексонати барқарорлигидан кичик бўлиши керак. Кўпинча бу мақсад учун ЭДТА нинг ортиқча миқдори MgCI₂ билан титрланади.
Масалан, натрий ионининг миқдорини комплекс ион билан титрлаб бўлмайди. Аммо уни рух-уранил ацетат қўшиб чўктирилса:
Na^  Zn^2  3UO₂^2  9CH₃COO^- 
NaZn(UO₂)₃(CH₃COO)₉
чўкмани эритиб рух миқдорини комлексон ёрдамида аниқлаш мумкин.
Худди шу йўл билан фосфат, пиросфат, молибдат, вольфрамат ва бошқа ионларни магний аммоний фосфат, рух пирофосфат, кальций молибдат, кальций вольфрамат ҳолда чўктириб, чўкмани ювиб эритилгач, эритмада Mg^2, Zn^2, Ca^2 ионларини комплексон билан титрлаб топиш мумкин.
Реакция суст боргани учун AI^3, Cr^3, Sb^3, Sn^2, Sn^4 лар фақат билвосита метод билан аниқланади.
Трилон Б билан барча катион ва анионларни бевосита ёки билвосита метод билан аниқлаш мумкин.
Комплексонометрик титрлаш методида индикатор сифатида кўпинча қора эрихром Т, мурексид, 4-(2-пиридилазо) резорцин (ПАР), ксиленол зарғалдоғи қўланилади.