Мавзу: Компьютер, уларнинг авлодлари ва турлари

Компьютер тузилиши. Асосий ва қушимча қурилмаларининг вазифалари Компьютернинг асосий қурилмалари бир неча блоклардан иборат бўлади ва уларнинг таркибига қуйидагилар киради: 1) система блоки; 2) монитор; 3) клавиатура 4) сичқонча

Монитор

• Компьютер қанчалик кучли бўлмасин, унда қанчалик кўп маълумот сақланмасин, маълумотларни фойдаланувчи учун қулай кўринишда кўрсатиб берилмаса, бундай компьютер денгиз тубидаги ҳазинага ўхшаб қолади ва ундан ҳеч қандай наф бўлмайди. Мана шундай қулай кўринишда кўрсатиб бериш, маълумотларни тасвирлаб бериш учун монитор хизмат қилади

Клавиатура

• Клавиатура ёрдамида компьютерга турли фармоишлар берилади ва унга матн киритилади. Клавиатуралар учун ягона стандарт яратилган бўлиб, барча ишлаб чиқарувчилар унга риоя қиладилар ва клавиатуралар бир-биридан фақат қўшимча тугмаларнинг мавжудлиги ва уларнинг жойлашиши билангина фарқ қилади. Клавиатура ва монитор асосий киритиш ва чиқариш қурилмалари ҳисобланади ва биргаликда консол деб аталади

Сичқонча

• Сичқонча - компьютерга ахборотларни киритишнинг координатали қурилмаси ҳисобланади. У клавиатуранинг ўрнини тўлалигича алмаштира олмайди. Бу қурилма асосан икки ёки учта бошқарув тугмачасига эгадир (чап, ўнг ва ғилдиракча)

Принтерлар - (ингл. Printer– чоп қилувчи) деб аталади. Уларнинг бир неча хиллари бўлиб, улардан матрицали, сиёҳли, лазерли турларини санаб ўтиш мумкин.

• Матрицали принтерлар секин чоп этади, чоп этилган матннинг сифати жуда паст, фақат битта рангда чоп этади ва ҳозирги кунда мавжуд дастурий воситаларни алмаштириш қийин бўлган ташкилотларда, масалан, баъзи банкларда сақланиб қолган(1.14-расм).
• Сиёҳли принтерлар сиёҳ пуркаш йўли билан қоғозга тасвир туширадилар. Улар рангли тасвир ва матнларни чоп этадилар, одатда анча арзон бўлишларига қарамай, секин чоп этадилар, чоп этилган варақнинг таннархи анча юқори, махсус қоғоз ишлатилмаганда тасвирнинг сифати пасайиб кетади (1.15-расм).
• Лазерли принтерларда магнитлана оладиган махсус кукунни қоғозга сепиш ва уни куйдириш орқали матн ва тасвир чоп этилади. Нархи нисбатан юқори бўлишига қарамай, чоп этиш тезлиги юқори, ҳар бир чоп этилган варақ таннархи арзонлиги, битта катридж ёрдамида минглаб варақ маълумотларни чоп этиш имкони борлиги сабабли кенг тарқалган. Рангли лазерли принтерларнинг нархлари ҳам кескин пасайиб бормоқда ва тез кунларда сиёҳли принтерлар ўрнини эгалашлари кутилмоқда (1.16-расм).