Мавзу колмогоров-фишeр типидаги биологик популяция

МАВЗУ

КОЛМОГОРОВ-ФИШEР ТИПИДАГИ БИОЛОГИК ПОПУЛЯЦИЯ

МАСАЛАСИНИ СОНЛИ МОДEЛЛАШТИРИШ

Ҳозирги кунда жаҳонда рақобатдош чизиқсиз биологик популяция жараѐнлари математик модели ечимларининг сифат хоссаларини аналитик ва сонли тадқиқ этишга алоҳида эътибор қаратилмоқда. «Бирлашган миллатлар ташкилоти популяция бўлими башоратига кўра 2050 йилга бориб дунѐ аҳолисининг сони 9 700 миллионга етади. Кучаювчи режимда инсониятнинг гиперболик ўсиши чизиқсиз дифференциал тенгламани ечишда асосий функцияга айланади»
1. Чизиқсиз математик моделларни ишлаб чиқиш бўйича илмий изланишлар жаҳоннинг ривожланган мамлакатларида, жумладан АҚШ, Япония, Испания, Германия, Буюк Британия, Франция, Россия ва Ўзбекистонда олиб борилмоқда.
Республикамиз мустақилликка эришгандан буѐн чизиқсиз парчаланиш алгоритми асосида фазо ўлчовига боғлиқ ҳолда бир ва кўп компонентали рақобатдош биологик популяция жараѐнларини компьютерда математик моделлаштириш, уларнинг сифат хоссаларини аналитик ва сонли тадқиқ
этиш йўналишида илмий изланишларни юқори даражада ташкил этиш борасида кенг қамровли чора-тадбирлар амалга оширилиб, муайян натижаларга эришилди. Бу борада биологик популяция квазичизиқли тенгламалар тизимининг асимптотикалар тадқиқи ҳамда сонли ечиш усуллари асосида Ўзбекистон аҳолисининг ўзгаришини сабабли–натижавий боғланишларини аниқлаш ҳамда корхоналар банкротлигини баҳолаш имкони такомиллашганлигини алоҳида таъкидлаш мумкин.
Чизиқсиз популяция модели ва рақобатдош популяция системаси кўринишидаги иккита синф моделларини хоссаларини тадқиқ қилиш;
Чизиқсиз парчаланиш алгоритми асосида бир ва кўп компонентали рақобатдош биологик популяция жараѐнларини компьютерда математик моделлаштириш;
Муҳит параметр қийматлари, фазо ўлчовига боғлиқ ҳолда кўп компонентали рақобатдош биологик популяция тенгламалар системаси учун чизиқсиз парчаланиш алгоритми асосида Коши масаласининг қуйи ва юқори ечимларини қуриш;
кўп компонентали рақобатдош чизиқсиз биологик популяция
жараѐнини ифодаловчи параболик тенгламалар системаси ечимининг асимптотик ифодаларини ишлаб чиқиш;
кўп компонентали рақобатдош чизиқсиз биологик популяция жараѐнларини сонли тадқиқ этиш учун сонли схемаларни қуриш ва итерацион усул қўллаш учун бошланғич яқинлашишларни яратиш;
юқорида кeлтириб ўтилган вазифаларни бажариш учун алгоритмлар ва дастурлар мажмуини яратиш, чизиқсизлик билан боғлиқ бўлган янги эффектларни аниқлаш, ечимларни визуал кўринишда тасвирлаш, ҳисоблаш тажрибасини ўтказиш.