Mavzu: Ko’krak va qorin aortasi

III. Pastki tutqich arteriyasi (a. mesenterica inferior) qorin aortasining chap yuzasidan III bel umurtqasi sohasida boshlanib. qorinpardaning orqasida pastga va chap tomonga yo'naladi. Undan quyidagi tarmoqlar chiqadi:

• 1. Chambar ichakning chap arteriyasi (a. colica sinistra) ko'ndalang chambar ichakni chap qismini va tushuvchi chambar ichakni qon bilan ta’minlaydi. Bu arteriya chambar ichakning o'rta arteriyasi bilananostomozlashadi. Chambar ichak arteriyalarining o'zaro anastomozlashuvidan chambar ichak chekkasi bo'ylab joylashgan Riolan arterial ravog'i hosil bo'ladi.
• 2. Sigmasimon ichak arteriyasi (a. sigmoidea) 2—3 ta, chap va pastga sigmasimon ichakka qarab yo'nalib uni qon bilan ta’minlaydi.
• 3.Yuqori to'g'ri ichak arteriyasi (a. rectalis superior) pastki tutqich arteriyasining davomi bo'lib, pastga yo'naladi va kichik chanoqqa tushib, to'g'ri ichakning yuqori hamda o'rta qismlarini qon bilan ta’minlaydi va o'rta to'g'ri ichak arteriyasi bilan anastomoz hosil qiladi.