Mavzu: Kiruvchi va chiquvchi to`lov topshiriqnomasini avtomatlashtirish. Naqd va naqd pulsiz hisob-kitoblar hisobi. Kiruvchi va chiquvchi to’lov topshiriqnomasi

27.01.2022-yil Xusainov Xoyrulla
Mavzu: Kiruvchi va chiquvchi to`lov topshiriqnomasini avtomatlashtirish. Naqd va naqd pulsiz hisob-kitoblar hisobi.
Kiruvchi va chiquvchi to’lov topshiriqnomasi
O’zbekiston Respublikasida naqd pulsiz hisob-kitoblar quyidagi shakllarda amalga oshiriladi:
- to’lov topshiriqnomalari bilan hisob-kitoblar;
- akkreditiv bo’yicha hisob-kitoblar;
- inkasso bo’yicha hisob-kitoblar;
- cheklar bilan hisob-kitoblar.
Naqd pulsiz hisob-kitoblar shakli va hisob-kitob hujjatlarining turi mablag’larni to’lovchi va mablag’larni oluvchi o’rtasida tuziladigan shartnomaga (bitimga) muvofiq belgilanadi.
Naqd pulsiz hisob-kitoblar hisobi bo’yicha hujjatlarni menyu Bankda mavjud. Naqd pulsiz hisob-kitoblami rasmiylashtirish uchun quyidagi hujjatlar mavjud:
- to'lov topshiriqnomasi kiruvchi ;
- to’lov topshiriqnomasi chiquvchi;
- kirim qilingan pul mablag’larning to’lov orderi;
- chiqim qilingan pul mablag’larning to’lov orderi;
- taqdim qilingan to’lov talabnomasi.
Kiruvchi to’lov topshiriqnomasining jadval qismida tanlagan xo’jalik operatsiyasining turiga qarab o’zgarib boradi. Hujjatda quyidagi xo’jalik operatsiyalari aks ettiriladi:
- xaridorlardan pul mablag’ining olinishi;
- mol yetkazib beruvchi tomonidan pullarning qaytarilishi;
- kredit va qarzlar bo’yicha hisob-kitoblar;
- kontragentlar bilan boshqa hisob-kitoblar (foydalanish tavsiya qilinmaydi) ;
- bank plastik kartalari orqali sotuvlar bo’yicha pul mablag’larining kirimi;
- boshqa kirimlar.
- mol etkazib beruvchilar pulning to`lanishi;
- xaridorlarga pul mablag`larining qaydarilishi;
- soliqlarning to’lanishi;
- kontragentlar bilan kredit va qarzlar bo’yicha hisob-kitoblar;
- tashkilotning boshqa hisob-kitob schyotiga pul o’tkazish;
- ish haqini o’tkazish;
- hisobdor shaxslarga pul mablagTarini o’tkazish;
- boshqa naqd pulsiz hisob-kitoblar bo’yicha pul o’tkazish.
Buxgalteriya xodimi har bir to’lov topshiriqnomasini shakllantirganda albatta oldindan ko’rib chiqishi shart, agar unda xatoliklar bo’lmasa, uni chop etishi mumkin.
To’lov talabnomasi. Bank ko’chirmasi
To’lov talabnomasi - mablag’larni oluvchining mablag’larni to’lovchi tomonidan to’lov talabnomasida ko’rsatilgan summani bank orqali to’lash to’g’risidagi talabi nazarda tutilgan hisob-kitob hujjati hisoblanadi.
To’lov talabnomasi tovarlar (ishlar, xizmatlar) uchun, shuningdek mablag’larni oluvchi hamda mablag’larni to’lovchi o’rtasida tuzilgan shartnomada nazarda tutilgan boshqa to’lovlar bo’yicha taqdim etilishi mumkin.
To’lov talabnomalari quyidagi turlarga bo’linadi: aktseptli to’lov talabnomasi - to’lov talabnomasida nazarda tutilgan summa mablag’larni to’lovchi tomonidan aktseptlanganidan (tan olinganidan) so’ng, to’lovlar amalga oshiriladigan hisob-kitob hujjati; aktseptsiz to’lov talabnomasi - to’lov talabnomasida nazarda tutilgan summa mablag’larni to’lovchining roziligi bo’lishi yoki bo’lmasligidan qat’i nazar, to’lovlar amalga oshiriladigan hisob-kitob hujjati.
To’lov talabnoma shakllantirish uchun menyu Bank - Taqdim qilingan to’lov talabnoma bilan to’lov talabnomasi rasmiylashtiriladi.
Bank ko’chirmasi - jumali tashkilotning bankdagi hisob raqamiga kelib tushgan va chiqib ketgan pul mablag’lariga doir operatsiyalarni ro’yxatga olish uchun mo’ljallangan.
Jurnalning jadval qismida bank schyoti bo’yicha tanlangan davr uchun: boshlang’ich qoldiq, kirim, chiqim, kun oxiridagi qoldiq summalari ko’rsatiladi.
Bank ko’chirmasi shaklida tashkilot nomi, bankdagi schyoti, ko’chirma sanasi ko’rsatiladi va Enter tugmachasi bosiladi. Ko’chirma avtomatik ravishda axborot bazada kiritilgan kirim va chiqim hujjatlari asosida to’ldiriladi. Agar hujjat noto’g’ri o’tkazilgan bo’lsa, hujjatni o’tkazmaslik tugmachasini bosish bilan bekor qilish mumkin