Mavzu: Kichik Vatan. Vatan bu -beshikda uxlagan mudroq

Mavzu: Kichik Vatan.
Vatan bu -beshikda uxlagan mudroq,
Vatan bu -uychalar qurilgan tuproq.
Vatan bu – yasngan yaylovli o`tloq
Vatan bu - men o`sib ulg`aygan tuproq.
Purviqor tonglarda musaffo nasim
Hosildor bog`larda bitgayman baytim.
Ash’orim soylarda barilla aytgum
Vatan bu – men o`sib ulg`aygan qishloq .
Yelkada ketmoni , qo`llari qadoq
Tandirdagi noni pishar tongdayoq.
Hushbo`y rayhon hidi taraldi uzoq
Vatan bu – men o`sib ulg`aygan tuproq.
Uzoq o`lkalarga bormasman aslo
Xalqimni xizmatin etayin ado
Har sohada yurt uchun bu jonim fido
Vatan bu – men o`sib ulg`aygan qishloq.
Savollarga javob bering.
1.She`rdagi ohangdosh so`zlarni toping.
2.Qishlog`ingiz tarixini bilasizmi?
3.” Men tug`ilgan o`lka” mavzusida matn yarating.
Mavzu:Kuch birlikda.
Shamol va yomg`ir bir-biriga dam bermay tortishib qolibdi.Goh yomg`ir sharros quysa,goh shamol chang-to`zon ko`taribdi.Buni kuzatib turgan Boboquyosh ularga tanbeh beribdi.
-Sizlar aslida me’yorni va vaqtni qadrlanglar. Ikkalangiz ham bir-biringiz uchun keraksiz.Sen shamol uyqudagi daraxtlarni uyg`otasan ,gullarni changlatasan, gullarni xuddi asalari kabi bir-biriga uyg`unlatasan.Qora bulutlarni keltirib, yomg`irni chaqirasan.Sen esa yomg`ir dehqonlarni boy qilasan, ona-zaminni suvga to`yintirasan,-debdi. Qattiq shamollarning halokatidan qutqarasan.Agar sizlar birlashsangiz,xizmatingizni to`g`ri taqsimlay bilsang`iz, borliq sizlardan zavol ko`rmaydi,aksincha,minnatdor bo`ladi.
Shamol va yomg`ir dono Boboquyosh nasihatiga amal qilibdi.

Savollarga javob bering.

1. 
   Do`stlik haqida maqollar ayting.
   
2. 
   Qanday tabiat hodisalarini bilasiz?
   

Mavzu:Rivoyat

Qadim bir rivoyatda ,
Temur lang bo`lgan ekan.
Unib-o`sib ulg`ayib,
O`n beshga to`lgan ekan.
Temur serqirra , mohir,
O`zib ketar har ishda
Lek oyog`I pand berar
Harakatda yumushda.
Bu holdan qo`li kelib
Tengdoshlar ahd qildilar.
“Kim o`zarga “ bel bog`lab
Yugurishin aytilar.
Temur or-nomus uchun
Poygaga shaxd ayladi.
O`rtoqlari quvonib,
Marra sari boshladi.
Oqsoqligi tufayli ,orqada qolib ketdi
Boshdan do`ppisin olib,manzilga sari otdi.
Barcha yig`ilgan hamon
To`polon, sur boshlandi.
“Kim g`olib” bo`ldi ekan,
Deb hamma tashvishlandi.
Donishmandga bordilar,
Yechim so`rab yolvordilar
Donishmand dedi:Bo`tam,
Bosh ulug` oyoqdan ham.
Qissadan qissa shuki,
Temur oqil va dono
Aqli bilan hammani
Yengib qo`yganlar zukko.
Savollarga javob bering.
1.Temur o`gitlaridan ayting.
2.Buyuk allomalardan kimlarni bilasiz?
3. “Bilagi zo`r birni yiqar,bilimi zo`r mingni” maqolini izohlang.

Mavzu:Anvarjonning zehni.

Anvarjon Yakkatut qishlog`I 18- maktabning 4- sinfida o`qiydi.Ehtiyotkor va ziyrak bola. Maktabda ham baholari yaxshi.U ayniqsa, yo`l qoidalariga amal qilar , yo`l belgilariga e’tibor berardi.Maktabdan kelaverish yo`lidagi “Yo`lda bolalar bor “ belgisiga har kuni qarab o`tar.Maktab binosiga qadar qancha qadam chiqishini sanab ko`rar,uni o`zicha metrlarda hisoblardi. Oynai jahon orqali beriladigan “Yashil chiroq “ ko`rsatuvini har yakshanba kutib tamosha qilardi.Uyidagi mo`jazgina darsxonasi devorida svetoforni turli ko`rinishlari tasvirlangan rasmlar osig`liq turardi.
Anvarjon bir kuni (o`zlariga yaqin bo`lgan) shaharga buvisinikiga bormoqchi bo`ldi. Dadasini ishlari ko`payib , bora olmasligini aytdi.Anvarjon onasidan o`zi e’htiyot bo`lib borib kelishini iltimos qildi.Onasi avvaliga unamadi.keyin ko`p birga olb borganini o`ylab ruxsat berdi.Unga issiq non va shirinliklar solingan sumkani tutqazdi. Anvarjon avval avtobuslar to`xtaydigan bekatga bordi. Buvisi yangi yo`l tumanida yashardi. Yo`lni so`rab avtobus haydovchi yonidagi o`rindiqqa o`tirdi. Avtobusda ketayotib ham yo`l chetidagi belgi va yozuvlarni o`qib bordi. Buvisinikiga yetar paytda kattakon “Tohirbek” deb nomlangan oziq -ovqat magazinini oldida avtobusni to`xtatdi. Chorraha yo`lida yo`lning u yuziga o`tish uchun katta yoshli yo`lovchilarni svetoforni yashil chirog`I yonishini kutdi.Yo`ldan o`tgach piyodalar yo`lkasiga tushib, buvisining uyi tomon hotirjamlik tabassumi bilan yo`l oldi. Yo`lda ketayotib,yetib borgach ohasiga qo`ng`iroq qilib qo`yishini,buvisiga uydagi o`zgarishlar, o`qishidagi yangiliklar haqida so`zlab berishini o`ylab bordi.

Savollarga javob bering.

1.Qanday yo`l belgilarni bilasiz?
2.Svetoforning vazifasini ayting.
3.”Yo`l qoidasi- umr foydasi” maqolini izohlang.

Mavzu:Vitaminjon nima deydi?

Kasallikni haydayman,
Hidim biroz o`tkiroq
Har bir taomda shayman
Mendan ishlating ozroq
Xonim, manti men bilan
Dasturxonga u ko`rkdir,
Oshpazning ko`ngli to`qdir (Piyoz)

Vitaminlar mendadir bisyor

Yod deysizmi,kalsiy deysizmi?
Jimjimador ko`ylaklarim ham
Salatimdan biroz yeysizmi?
Bahor,kuzda men dasturxonda
Ko`p va kam yeb,qolmang armonda. (karam)
Yomg`ir , suv yoqtirmayman
Pishmasdan qoqtirmayman.
Xotiraning kuchiman,
Qattiq qobiq ichiman.
Mendan o`rtoq bo`linglar
Mehmonlarga qo`yinglar. (bodom)

Rang va turning koniman,

Bolalarning joniman.
Kamqonlikka davoman
Shuning uchun a’loman.
Har kuni meni siz yeng
Bog`bonga ko`p rahmat deng. (olma)

Dala dashtni suyaman,

Buyrak,ichni yuvaman
Tashnalik qondiraman
Alvon rangda yonaman.
Sharbatim xo`p shifodir,
Ko`rinishim sipodir. (Tarvuz)

Men polizda bo`limli,

Parxezman,lek to`yimli.
Qilgin mendan damlama
Kam yeyman deb o`ylama. (Qovoq)

Savollarga javob bering.

1.Mevalar va sabzavotlarni bir-biridan farqlang.
2.Qanday dorivor o`simliklarni bilasiz?