Mavzu: Kationlarning III va IV analitik guruhi. Reja sifat analizida moddalarni aniqlash usullari. Ionlarning analitik gruhlarga bo‘linishi

Sifat analizida moddalarni aniqlash usullari.

Analitik reaksiyalar umumiy va xususiy reaksiyalarga bo‘linadi.Qo’llanilgan reagentlar esa birinchi holda gruh reagent, ikkinchi holda esa xususiy reagent deb ataladi. Analitik reaksiyalar «quruq» va «ho‘l» usullarda o‘tkaziladi. Quruq usulda tekshirilayotgan modda ham, reagent ham qattiq holda bo’ladi, olingan modda bilan reagentni yuqori haroratgacha qizdirish yoki quruq moddalarni ishqalash yo’li bilan reaksiyalar amalga oshiriladi. Ho‘l usuldagi analitik reaksiyalar eritmalarda (ko‘pincha suvda) o‘tkaziladi. Sifat analizi biror ionni aniqlashga kirishishdan oldin tanlangan reaksiyaning sezuvchanligi va tanlab ta’sir etish xususiyatiga e’tibor beriladi. Faqat kamroq sondagi ionlar bilan bo’ladigan analitik reaksiyalar tanlab ta’sir etuvchi yoki selektiv reaksiyalar hisoblanadi. Selektiv o‘ziga xos, (spesifik) reaksiyalar yordamida eritmaning ayrim ulushlaridan o‘tkaziladigan analiz bo‘lib-bo‘lib, xalaqit beruvchi ionlarni ketma-ket ajratib bajariladigan analiz, sistematik analiz hisoblanadi. Sistematik analizda ta’sir etuvchi reagent turiga qarab ionlar vodorod sulfidli, kislota-asosli, ammiak-fosfatli va boshqa usullarga bo’linadi. Kationlarning alohida gruppalarga ajralishi ularning gruh reagentlariga bo’lgan munosabatiga asoslangan.