Mavzu: Kabellarni ko’rinishi va xarakteristikalari

Optik tolali kabellar

Optik tolali kabel - bu yuqorida ko’rib chiqilgan ikki kabel turlaridan tubdan farqlanuvchi kabel.Bu kabel turida axborot elektr signali ko’rinishda emas, yorug’lik ko’rinishida uzatiladi.Bu turdagi kabelning asosiy elementi - shaffof shisha tola bo’lib, u orqali yorug’lik juda katta masofalarga (o’nlab kilometrgachan) kam (sezilarsiz) so’nish bilan uzatiladi.

Optik tolaning tuzilishi juda oddiy bo’lib u koaksial elektr kabel tuzilishiga o’xshash (2.3-rasm). Faqat markaziy mis sim o’rniga bu kabel turida ingichka (diametri 1 - 10 mkm atrofida) shisha tola ishlatilgan, ichki himoya qoplama o’rniga esa, yoruqlikni shisha tola tashqarisiga tarqatmaydigan shisha yoki plastik qoplamadan foydalanilgan.



2.3-rasm. Optik tolali kabel tuzulishi

Optik tolali kabellarni ikki turi mavjud:

• 
  ko’p modli yoki multimodli kabel, ancha arzon lekin sifati past;
  
• 
  bir modli kabel, narhi ancha qimmat, lekin yahshi tehnik ko’rsatgachlarga ega.
  

Bu tur kabellarni asosiy farqi shuki, ularda yorug’lik nuri turli tartibda o’tadi.

Bir modli kabellarda hamma nur bir xil yo’ldan o’tish natijasida ularning hammasi qabul qilish qurilmasiga bir vaqtda etib keladi va signalning tuzilishi o’zgarmaydi. Bir modli kabelning markaziy tola diametri 1,3 mkm atrofida bo’lib va faqat 1,3 mkm to’lqin uzunligidagi yoruqlikni uzatadi. SHuningdek dispersiya va signalni so’nishi sezilarsiz darajadadir, bu esa ko’p modli kabeldan ko’ra ancha uzoq masofaga signal uzatish imkonini beradi. Bir modli kabellar uchun lazerli uzatish va qabul qilish qurilmalaridan foydalaniladi. Bu qurilmalar faqat talab qilinadigan to’lqin uzunligidagi yoruqlik ishlatiladi. Bunday uzatish va qabul qilish qurilmalari hozirda nisbatan qimmat va ko’p ishlatishga chidamsiz. Kelajakda bir modli kabellar o’zining juda yaxshi ko’rsatgichlari uchun asosiy kabel bo’lib qolsa kerak.