Mavzu: jinoyat ishini yuritishda ishtiro etuvchi jamoat birlashmalari, jamoalar va ularning vakillari

Iltimosnoma berish boʻyicha huquqlari:

1. 
   Ehtiyot chorasi sifatida jamoat birlashmasi yoki jamoa kafilligiga berishni tanlash haqida;
   
2. 
   Mahkumni muddatidan ilgari shartli ravishda jazodan ozod qilish yoki jazoni yengilrogʻi bilan almashtirish haqida;
   
3. 
   Ozodlikdan mahrum etishga hukm qilinganlarning jazoni oʻtash sharoitlarini oʻzgartirish haqida;
   
4. 
   Sudlanganlikni oib tashlash haqida va boshqa masalalar boʻyicha Jinoyat protsessual kodeksida belgilangan hollarda va tartibda iltimos qilishga haqlidirlar.
   

JPK 41-moddasida sodir etilgan ogʻir yoki oʻta ogʻir jinoyat togʻrisida ishda ayblanuvchi tariqasida ishtirok etishga jalb qilingan shaxs haqida uning oʻqish, ish yoki yashash joyidagi jamoaga xabar berish majburiyat qilib imperativ shaklda mustahkamlab qoʻyilgan. Sud esa oʻz navbatida ularni sud muhokamasining vaqti va joyi togʻrisida xabardor qilishga majbur.

Oʻzbekiston Respublikasi Jinoyat-protsessual kodeksining 42-moddasiga binoan jamoat birlashmalari va jamoalar sud muhokamasida jamoat ayblovchisi yoki jamoat himoyachisi sifatida ishtirok etish uchun oʻz vakillarini yuborishlari mumkin. Jamoat ayblovchilari va jamoat himoyachilarini jamoat birlashmasining yoki korxona, muassasa, tashkilot jamoasining, shu jumladan, tijorat tuzilmasining, shuningdek yashash joyi boʻyicha jamoaning yigʻilishi koʻrsatadi. Yigʻilish qarori sudga taqdim etilishi lozim. Lekin jamoat birlashmasi, jamoa oʻzi yoʻllagan jamoat ayblovchisi yoki jamoat himoyachisini xohlagan vaqtda chaqirib olishga yoki uni boshqa vakil bilan almashtirishga haqlidir.