Mavzu: jamlanma byudjet tushunchasi va uning tarkibiga kiruvchi jamg'armalar mohiyati kirish

Kurs ishi predmetini O’zbekiston Respublikasining konsolidatsiyalashgan byudjeti bilan bog’liq bo’lgan huquqiy-iqtisodiy-moliyaviy munosabatlar tashkil qiladi.
Davlat byudjeti, davlat maqsadli jamg’armalari byudjetlari hamda Tiklanish va taraqqiyot jamg’armasi byudjeti kurs ishi obyekti hisoblanadi.
Kurs ishining maqsadi va vazifalari. Ishning maqsadi O’zbekiston Respublikasi konsolidatsiyalashgan byudjetining samarali ijrosini ta’minlashga qaratilgan taklif va tavsiyalar ishlab chiqishdan iborat. Ushbu maqsaddan kelib chiqib, ishda quyidagi asosiy vazifalar belgilab olindi:
- O’zbekiston Respublikasi konsolidatsiyalashgan byudjetining mazmun- mohiyatini, tarkibini hamda iqtisodiyotni rivojlantirishdagi ahamiyatini yoritish;
- davlat maqsadli jamg’armalari hamda O’zbekiston Respublikasi Tiklanish va taraqqiyot jamg’armasi faoliyatining huquqiy asoslari va iqtisodiyotdagi rolini o’rganish va yoritish;
- ijtimoiy sohalar va aholini ijtimoiy qo’llab-quvvatlash tadbirlarini davlat byudjetidan mablag` bilan ta’minlash amaliyotini tahlil qilish;
- davlat maqsadli jamg’armalari mablag’laridan foydalanish amaliyotini tahlil qilish;
- O’zbekiston Tiklanish va taraqqiyot jamg’armasi mablag’lari evaziga investitsiya loyihalarini moliyalashtirish amaliyotini tadqiq etish;
- O’zbekiston Respublikasi davlat byudjeti mablag’laridan samarali foydalanish yo’nalishlarini tadqiq etish;
- O’zbekiston Respublikasi konsolidatsiyalashgan byudjetining samarali ijrosini ta’minlashga yo’naltirilgan taklif-tavsiyalar ishlab chiqish.
Kurs ishining kirish qismida mavzuning dolzarbligi, tadqiqot predmeti va obyekti, Kurs ishining maqsadi va vazifalari, mavzuning nazariy-amaliy ahamiyati hamda bitiruv malakaviy ishi tarkibining qisqacha tavsifi ko’rsatilgan.
Kurs ishining birinchi bobida O’zbekiston Respublikasi konsolidatsiyalashgan byudjetining mazmun-mohiyati, tarkibi hamda iqtisodiyotni rivojlantirishdagi ahamiyati, shuningdek, davlat maqsadli jamg’armalari hamda O’zbekiston Respublikasi Tiklanish va taraqqiyot jamg’armasi faoliyatining huquqiy asoslari va iqtisodiyotdagi roli yoritilgan.
Kurs ishining ikkinchi bobida ijtimoiy sohalar va aholini ijtimoiy qo’llab-quvvatlash tadbirlarini davlat byudjetidan mablag` bilan ta’minlash amaliyoti, davlat maqsadli jamg’armalari mablag’laridan foydalanish amaliyoti hamda O’zbekiston Tiklanish va taraqqiyot jamg’armasi mablag’lari evaziga investitsiya loyihalarini moliyalashtirish amaliyoti tahlil qilingan.
Kurs ishining uchinchi bobida O’zbekiston Respublikasi davlat byudjeti mablag’laridan samarali foydalanish yo’nalishlari tadqiq etilgan.
Kurs ishining xulosa qsimida O’zbekiston Respublikasi konsolidatsiyalashgan byudjeti yuzasidan umumiy xulosalar shakllantirilgan va konsolidatsiyalashgan byudjet ijrosini samarali tashkil etishga qaratilgan taklif- tavsiyalar ishlab chiqilgan.