Mavzu: Ixtiro formulasining huquqiy ahamiyati, ixtiro belgilari va ixtiro hajmi o’rtasidagi bog’liqlik, bir bug’unli va ko’p bug’unli ixtiro formulalari

Ихтиро формуласи

ихтиро моҳиятининг қисқа баёни. Ихтиро формуласи ихтиро ҳажмини, унинг янгилигини ва мақсадини белгиланган қоидага асосан ёзилади. Агарда ихтирони тузишда таҳлил тўлиқ бўлса, прототип тўғри аниқланган бўлса, ихтиронинг эътиборли хусусиятлари тўғри белгиланган бўлса қўйилган талабларга мувофиқ ихтиро формуласини баён этиш қийинчилик туғдирмайди.

Ихтиро формуласининг хуқуқий аҳамияти.

Барча мамлакатларда ихтиро формуласининг асосий аҳамияти – хуқуқий аҳамият ҳисобланади.

Илгари ихтирога патент ихтиро формуласисиз, ихтиронинг тушунтириш матнига қараб берилар эди ва бу патентнинг хуқуқий томонларини аниқлашда кўп кийинчиликлар туғдирар эди. Хақиқатдан ҳам, ихтирони тушунтириш матнининг вазифаси ихтиро бўйича тулиқ тушунча бериш, унинг техникавий аҳамиятини ечиб бериш ва ҳаётга жорий этиш учун қўлланма сифатида фойдаланиш бўлган. Матнда, одатда ихтирони тайёрлаш учун ҳар хил вариантлар, ҳар хил усуллар келтирилади ва келишмовчиликка улар асосий сабаб бўлиб қолади ва бундай ҳолатда ҳақиқатни аниқлаш учун кўп вақт сарф қилинади.

Ихтиро формуласининг хуқуқий аҳамиятини қўйидаги қоидалар билан изоҳлаш мумкин:

ихтиро формуласи узининг хуқуқи билан доирасига кирган обьектларни чегаралайди ва шунинг билан ихтиронинг хуқуқини аниқлайди;
реал обьектларда фойдаланиш доирасини аниқлайди.

Ихтиро формуласининг илмий – техник аҳамияти

Ихтиро формуласи нафақат ихтиронинг чегарасини белгилаб қолмасдан у техникани янги даражага кутаради. Ихтирочи уз ишида қандайдир бир маълум обьектга нисбатан ишни бошлайди ва мутлақо янги, эскисидан афзалроқ техника яратади. Ихтиро формуласида обьектнинг янгилик хусусияти умумлаштирилган ҳолда баён этилади.

Ихтиро формуласининг ахборотли аҳамияти.

Ихтиро формуласида қўшимча тадбирларсиз ишлаб чиқаришга татбиқ этиш таснифлари келтирилади, ёки мутахассис ихтиро формуласи билан танишиб чиқиб уни машина ёки ускуна сифатида тайёрлаши мумкин бўлиши керак. Шунинг учун ихтиро формуласи муҳим информацион аҳамиятга эга ва ихтиро формуласи махсус бюллетенда ихтиро матни чоп этилишдан илгари чоп этилади.