Mavzu: Islom Taraqqiyot Bankining guruhlari: xususiy sektorni rivojlantirish Islom korporatsiyasi Reja

Xususiy tarmoq Saudiya-O‘zbekiston iqtisodiy aloqalarini mustahkamlashi mumkin, deydi Saudiya vaziri

JIDDA: “Saudiya Arabistonining O‘zbekiston bilan iqtisodiy hamkorligi xususiy tarmoq ishtirokining ko‘payishi sabab mustahkamlanishi mumkin. Qirollik Markaziy Osiyo davlati bilan siyosiy va ishbilarmonlik aloqalarini chuqurlashtirmoqda”, dedi Saudiya Arabistoni investitsiya vaziri Xolid Al-Falih.
Al-Falih Saudiya Arabistoni-O‘zbekiston ishbilarmonlar kengashining Jidda shahrida bo‘lib o‘tgan to‘rtinchi yig‘ilishi doirasida Arab News nashriga bergan eksklyuziv suhbatida O‘zbekiston Prezidenti Shavkat Mirziyoev qirollik ishbilarmon doiralari rahbarlari bilan uchrashganini va bu borada o‘z qarashlari bilan bo‘lishganini ma’lum qildi.
“U (Prezident) kompaniyalarning O‘zbekistondan, ikki taraflama manfaatlar yo‘lida, o‘sish uchun yangi bozor sifatida foydalanish umidlari va ular duch kelishi mumkin bo‘lgan muammolar haqida so‘radi. Ikki soat davom etgan uchrashuvda Prezident bu borada ilgari surilgan ijobiy fikrlar va takliflarni tingladi”, dedi Al-Falih.
Al-Falihning ta’kidlashicha, uchrashuv davomida ikki mamlakat kompaniyalari o‘rtasida 15 ta shartnoma imzolangan. Shu jumladan qiymati 45 milliard SR (12 milliard AQSh dollari) dan ortiq bo‘lgan 10 ta investitsiya shartnomasi imzolandi.
Bitimlar turli sohalarni qamrab olgan bo‘lib, O‘zbekiston Respublikasi Investitsiyalar va tashqi savdo vazirligi, O‘zbekiston Respublikasi Energetika vazirligi hamda “ACWA Power” kompaniyasi va boshqa investorlar o‘rtasida tuzilgan bitimlarni o‘z ichiga oladi. Bir qator quvvat ishlab chiqarish va tuzli suvni chuchuklashtirish bilan shug‘ullanadigan korxonalari ham shular jumlasidandir.
ACWA Power kompaniyasi O‘zbekiston hukumati bilan 1500 MVt quvvatga ega shamol elektorstansiyasi qurish loyihasi bo‘yicha 2,4 milliard dollarlik shartnoma imzolashini aytdi. Stansiyani O‘zbekistonning Qoraqalpog‘iston hududida joylashtirish rejalashtirilgan va uning yordamida 1,65 million xonadonni elektr energiyasi bilan ta’minlaydi. Bu orqali yiliga 2,4 million tonna uglerod chiqindilari atmosferaga chiqishini oldini olish ko‘zda tutilgan. Ushbu loyiha 2026 yilning birinchi choragida to‘liq foydalanishga topshirilishi mumkin.
Kengashning 4-yig‘ilishida so‘zga chiqqan Al-Falih Qirollik va O‘zbekiston o‘rtasida to‘g‘ridan-to‘g‘ri import va eksport aloqalarini yo‘lga qo‘yish zarurligini ta’kidladi, chunki xozirda ikki davlat o‘rtasidagi savdoning asosiy qismi Turkiya va BAA orqali amalga oshirilmoqda. Uning aytishicha, O‘zbekiston qishloq xo‘jaligi, ko‘chmas mulk, turizm va inson resurslari sohalarida katta imkoniyatlarga ega davlatdir.
“Ishonchim komilki, O‘zbekiston yaqin o‘n yillikda Saudiya Arabistoni sarmoyalari uchun eng yaxshi yo‘nalishlardan biri bo‘ladi”, – deya qo‘shimcha qildi u.