Mavzu Farmasevt xodimlarni malakasini oshirish va attestatsiya Baholashning belgilab qo‘yilgan tartibi “attestatsiya” deb ataladi

O‘rta ma’lumotli farmasevtlar attestasiyasi. O‘rta ma’lumotli farmasevtlarning malakasi ikkita toifa – birinchi va ikkinchi toifa bo‘yicha belgilanadi.

Birinchi malakali toifa attestasiyalanayotgan mutaxassisligi bo‘yicha 8 yilldan kam bo‘lmagan ish stajiga ega bo‘lgan, zaruriy amaliy tajribaga ega bo‘lgan, ishida yuqori ko‘rsatkichlarga erishgan, malaka oshirish kurslarida o‘qigan o‘rta ma’lumotli farmasevtlarga beriladi.

Ikkinchi malakali toifa attestasiyalanayotgan mutaxassisligi bo‘yicha 5 yilldan kam bo‘lmagan ish stajiga ega bo‘lgan, zaruriy amaliy tajribaga ega bo‘lgan, ishida yuqori ko‘rsatkichlarga erishgan, malaka oshirish kurslarida o‘qigan o‘rta ma’lumotli farmasevtlarga beriladi.

Bunda xujjatlarni attestasiya xay’atiga topshirish va qayta attestasiyadan o‘tish oliy ma’lumotli farmasevtlarning attestasiya tartibiga analogik shaklda o‘tkaziladi.

Lavozim attestasiyasi – farmasevtik xodimlarni egallab turgan lavozimiga loyiqligini baholash maqsadida o‘tkaziladi va bunda ularning nazariy bilim va amaliy ko‘nikmalari darajasi aniqlanadi. Attestasiyadan o‘tayotgan xodimning ishiga baho berishda uning reja topshiriqlarini bajarishdagi shaxsiy xizmati, mehnat intizomi, malakasi, bilim darajasi kabi ko‘rsatkichlar inobatga olinadi. Attestasiya natijasida xodim quyidagi xulosalardan biri asosida baholanadi:

• egallagan lavozimiga loyiq;

• ko‘rsatilgan nuqsonlar belgilangan muddatgacha yo‘qotilsa, ya’ni shartli ravishda egallagan lavozimiga loyiq;

• egallagan lavozimiga loyiq emas.