Mavzu: Ertak matni tahlili

III. Yangi mavzuni tushuntirish.
Yangi mavzu “Mukofot” ertagi ekanligi e’lon qilinadi.
Darslik berilgan rasmdagi hayvonlar harakatlantiriladi. Ularga tovush ham qo‘shiladi. Ushbu hayvonlar matn mazmuniga mos holda harakat qiladilar.
Ertakni darslikdan ifodali o‘qib eshittiriladi. O‘quvchilar kuzatib, tinglaydilar. Matnda uchragan notanish so‘zlar yuzasidan lug‘atishi o‘tkaziladi.
Lug‘at ishi:
Qayrag‘och – yog‘ochi qattiq, shoxlari zich joylashgan, bargi mayda va to‘q rangli, qalin soya beradigan, suvsizlikka chidamli daraxt.
Xushfe’l – fe’l - atvori yaxshi, kishiga muomalasi yoqadigan
Ulashibdi – bo‘lib tarqatibdi, tarqatib beribdi.
Qog‘oz va kitoblarni ishlab chiqarish haqida ma’lumot beriladi, suratlar namoyish etiladi.
Suhbat va savollar:

1. 
   Hikoya qahramonlari nomalarini aytib bera olasizmi?
   
2. 
   Kimlar noto‘g‘ri ish qilishdi?
   
3. 
   Tovusxon Dik – Dik va Moshvoyga nima uchun mukofot berdi?
   
4. 
   Siz o‘quv qurollaringizni qanday saqlaysiz?
   

Dam olish daqiqasi o‘tkaziladi. O‘quvchilar birgalikda bajaradilar.
Tovusjonim, tovusjon,
Sen go‘zal malikaxon.
Patlaring taram – taram,
Chiroylisan chinakam.
IV. Yangi mavzuni mustahkamlash.
Darslik bilan ishlash:
“Mukofot” ertagini .o‘quvchilar navbat bilan o‘qiydilar.
“Juftini top” o‘yini.
Bu o‘yinda o‘quvchilar ertak qahramonlari (suratlari) va ularning nomlaridan mos juftliklar hosil qilishadi. Topilgan so‘zlarni ekran orqali tekshirish mumkin bo‘ladi.

Moshvoy	Mushukcha
Qag‘ – qag‘	Qarg‘acha
Dik – dik	Quyoncha
Chiy – chiy	Sichqoncha
Pi – pi	Maymuncha
Xir – xir	Cho‘chqacha

V. Darsni yakunlash
1. Kitoblarning insonlar uchun qanday ahamiyati bor?
2. Ertak sizlarga yoqdimi?
VI. Baholash.
“Mukofot” ertagini o‘qib, qayta hikoya qilib berishga tayyorlanib kelish. Ertak asosida rasm chizish .