Mavzu: Dinning tarixiy shakllari va taraqiyot bosqichlari Reja: 1Diniy ong va uning shakilanish xususiyatlari. ”Milliy din” tushunchasi, uning moxiyati

Mavzu:Dinning tarixiy shakllari va taraqiyot bosqichlari
Reja:
1Diniy ong va uning shakilanish xususiyatlari.
2.”Milliy din” tushunchasi, uning moxiyati.
3. Sharq xalqlari milliy dinlari. Xinduiylik, Konfutsiylik, Yahudiylik, Zardushtiylik talimoti “Avesto”
Tayanch iboralar:
Dastlabki tasavvurlar, tabiat kuchlari oldida ojizlik, totemizm, fetishizm, animizm, sehrgarlik, dinning mohiyati, gnesologik ildizlari, ijtimoiy ildizlar, psixologik ildizlar, saduqiylar, farziylar, esseylar, yaxudiy bayramlari, vedalar, kastachilik tartibi, Lao-Szi ta’limoti

• Adabiyotlar:

1.Karimov I.A. Biz doim tarixdan saboq chiqarib
tinchlikni qadrlab g‘urur iftixor bilan yashaydigan
xalqmiz. -T.: O‘zbekiston, 2014
2.Karimov I.A. Ona yurtimiz baxtu istiqboli va buyuk
kelajak yo‘lida xizmat qilish – eng oliy saodatdir.
-T.: O‘zbekiston, 2015
3. A.Ibroximov. X.Sultonov, N.Jo‘raev
"Vatan tuyg‘usi " Toshkent, 1996 y 38- bet
4. Z.Munavvarov, G.Xotamov, S.Umar, SH.
Xamraev "Dunyoviy davlat va din" 1998 y.
5. M.M.Ishaqov "Xalq dahosining qadimgi ildizlari
va kurtaklari" "Til va adabiyot ta’limi" jurnali 1993 y 2-son
3-12 bet
6. "Moziydan taralgan ziyo" Imom Buxoriy.Toshkent, 1998
7. U.Jo‘raev, Y.Saidjonov "Dunyo dinlari tarixi" T."SHarq" 1998

Diniy ong va uning shakllanish xususiyatlari. Ilmiy adabiyotlarda keltirilishicha, «ibtidoiy odamning jismoniy, fiziologik, asab-endokrin, biologik, psixologik va boshqa sohalari o‘ziga xos xususiyatlarga ega edi. Bu nafaqat uning hayoti va faoliyatiga, fe’l-atvoriga, balki uning fikrlash darajasiga, kuchli hayajonlanishiga, tasavvur etishiga, mustahkam haqiqiy yoki soxta mantiqiy qonuniyatlarni kashf etishiga ta’sir ko‘rsatdi. U ibtidoiy bo‘lsa ham aqlli, fikr yurituvchi, ma’lum tahlilga qobiliyatli, konkret holatda fikr yurita oladigan, doimiy faoliyatida vujudga kelgan amaliy tajribalarga ega bo‘lgan odam edi. Bunday tahlil nimaga asoslangan? Bilim miqdorining nihoyatda ozligi va uni doimiy takomillashib borishi, oldinda turgan hayotdan qo‘rquv va uni engishga bo‘lgan intilish, amaliy tajribani uzluksiz ko‘payishi, tabiat kuchlariga mutlaq tobelik va undan qutilishga tirishish, atrof-muhit injiqliklari va ularni engish va h.k. - bularning barchasi shunga olib bordiki, uning ilk qadamidan nafaqat mantiqiy talabchanlik, balki hissiy-ijtimoiy, xayoliy-fantastik munosabatlar kelib chiqdi.