Mavzu Cho‘kish va elektr tokidan shikastlanish, kuyish va sovuq olishi, ularda birinchi yordam ko‘rsatish. Reja

Kuyishda birinchi yordam ko‘rsatish.

1. 
   Termik kuyishda birinchi yordam ko‘rsatish:
   

1-darajali kuyganda: ta’sir qilayotgan yuqori harorat muhitidan ayirish (kiyimi yonayotgan odamning ustiga biror narsa yopish, olovdan ayirish, qaynoq suv ta’siridan ajratish va h.), kuygan joyni zudlik bilan sovutish (sovuq suv quyish), infeksiya tushishini oldini olish uchun toza mato yoki bint bilan bog‘lash kerak, kuygan sohaga muz va tish pastasini surtmaslik kerak;
2-darajali kuyganda: 1-darajali kuyganda ko‘rsatilgan birinchi yordamga qo‘shimcha sarg‘ish suyuqlik yig‘ilgan pufakchalarni yormaslik, pufakchalar yorilgan bo‘lsa, sovunlab yuvib keyin bog‘lamoq kerak;
3-4-darajali kuyganda: ta’sir qilayotgan yuqori harorat muhitidan ayirish (kiyimi yonayotgan odamning ustiga biror narsa yopish, olovdan ayirish, qaynoq suv ta’siridan ajratish va h.), kuygan joyni toza mato (sochiq) bilan yopmoq, shokka qarshi choralar: kuygan odamni chalqancha (ko‘ngil aynashi, qayt qilish harakatlari bo‘lsa, yonboshga) yotqizmoq, oyoqlarini boshiga nisbatan 30 sm balandga ko‘tarmoq, tinchlantirmoq, ko‘proq suyuqlik ichirmoq, jarohatga yopishgan kiyim parchalarini ko‘chirib olmaslik, jarohatni suv bilan yuvmaslik, nafas yo‘llari kuymaganligiga ishonch hosil qilmoq kerak.

2. 
   Kimyoviy kuyishda birinchi yordam ko‘rsatish:
   

1. 
   Ishqoriy moddalardan zararlanganda suvga limon yoki uksus kislotasini qo‘shish yo‘li bilan tayyorlangan 1-5% li eritma yordamida neytrallanadi.
   
2. 
   Kislotali moddalardan zararlanganda suvga ichimlik sodasi qo‘shish yo‘li bilan tayyorlangan 2-3 % li eritma yordamida neytrallanadi.
   

Kuydiruvchi modda quruq bo‘lsa, uni zudlik bilan artib tashlamoq, kuygan joyni oqar suvda uzoq muddat (15-20 daqiqagacha) davomida yuvmoq, kimyoviy modda bilan zararlangan kiyimni echmoq, kimyoviy modda ko‘zga tushgan bo‘lsa, uni kamida 20 daqiqa davomida sovuq suv bilan yuvmoq kerak.