Mavzu: buxgalteriya balansi

2.3 . Buxgalteriya balansining tuzilishi va mohiyati.

.

O'zbekiston Respublikasi Moliya vazirining 2002 yil 27 dekabr №140 sonli buyrug'iga binoan (AV 24.01.2003 yil №1209) mulkchilik shaklidan qat'iy nazar tadbirkorlik faoliyatini olib borayotgan barcha yuridik shaxslar, bank, sug'urta va byudjet tashkilotlaridan tashqari yagona shakldagi buxgalteriya balansini tuzadilar. Buxgalteriya balansining tuzilishi quyidagi 1-jadvalda berilgan.

Balansning aktiv va passiv qismlari bo'limlarga, bo'limlari guruhlarga, guruhlari esa moddalarga bo'linadi. Buxgalteriya balansining moddalari korxonaning ayrim mulk turi, uning tashkil topish manbai va majburiyatlarni tavsiflovchi satr ko'rsatkichidir. Balansning aktiv va passiv qismlari ikkitadan bo'limdan iborat.
Buxgalteriya balansining xususiyati bo'lib, uning aktiv qismi bo'yicha umumiy summasi passiv qismi bo'yicha umumiy summasiga teng kelishidir. Bu esa o'z navbatida mablag'larning summasi mablag'larning tashkil topish manbalari summasiga teng kelishidir.

	O'zbekiston Respublikasi Moliya vazirining 2002 yil 27 dekabrdagi 140-sonli buyrug'iga 1-sonli ilova