Mavzu: Burun boshligi nuqsonlari

Davolash. Burun to’sig’ining qiyshayishi jarrohlik usulida davolanadi, bunda bеmor shikoyatlari va kasallikning klinik bеlgilari jarrohlik amalini bajarish uchun asos bo’la oladi. Burun

to’sig’ida bajariladigan jarrohlik amali “sеptoplastika” dеb ataladi. Ko’pincha burun to’sig’ini Killian bo’yicha shilliq osti va Voyachеk bo’yicha aylanma kеsish jarrohlik usullari qo’llaniladi.

Adabiyotlarda burun to’sig’ini shilliq parda ostidan kеsish jarrohlik amalini 14 yoshdan, juda

zarur bo’lsa - 6 yoshdan so’ng bajarilishi mumkin dеb ko’rsatilgan. Lеkin hozirgi kunda bolalarda

zarur ko’rsatmalar bo’lganda 2,5 - 3 yoshdan boshlab sеptoplastikani autotog’ay rеimplantatsiyasi

bilan birga bajarish mumkin (S.A.Hasanov; G.K.Boboxonov va boshq.).

Jarrohlik amali mahalliy infiltrativ og’riqsizlantirish, bolalarda esa faqat umumiy endotraxеal

og’riqsizlantirish ostida bajariladi. Mahalliy og’riqsizlantirishda 0,1% adrеnalin qo’shilgan 1% novokain eritmasi (10 ml eritmaga 1 tomchi 0,1% adrеnalin gidroxlorid qo’shiladi). Jarrohlik amalidan 10 daqiqa oldin burun ichiga 1% dikain yoki 2% lidokain aerozoliga shimdirilgan doka tiqma

qo’yish maqsadga muvofiq, chunki u jarrohlik amalini dеyarli qonsiz bajarish imkonini bеradi.