Мавзу бухгалтерия ҳисоби фанининг мукаддимаси

Хусусий капитал 
- барча мажбуриятларни чегириб ташлангандан кейин корхонанинг активларини 
бир қисмидир, яъни хусусий капитал - бу мулкдорнинг фирмадаги эгалигига оид улушидир. Бу қолдиқ 
улуш сифатида таърифланади, чунки фирма активларидан мажбуриятларни айиргандан кейин қолган 
суммасини ташкил этади. Хусусий капитал акциядорлик (киритилган) капитал ва тақсимланмаган фойдани 
ўз ичига киритади. 
Фойда ва зарарлар тўғрисидаги ҳисоботнинг тўрт элементи 
Даромадлар 
- бу корхонанинг асосий фаолият натижалари бўлган активларни келиб тушиши ёки 
кўпайиши ёхуд мажбуриятларни камайиши шаклида вужудга келадиган, одатда товарларни сотилиши, 
ижара хизматлари ёки корхона ресурсларини фойдаланиш учун берилишидан олинадиган ижара 
даромадлари, фоизлар, муаллифлик гонорарлари ёки дивидендлар шаклидаги иқтисодий ресурсларни 
кўпайишидир. 
Харажатлар 
- бу активларни сарфланиши ёки камайиши ёхуд мажбуриятларни кўпайиши шаклида 
вужудга келадиган ва пировард натижасида хусусий капитални камайтирадиган иқтисодий ресурсларни 
камайиши, аммо акциядор капитални таъсисчилари орасида тақсимланиши бундан мустаснодир. 
Фойда 
- бу хўжалик субъектига таъсир этадиган асосий ва асосий бўлмаган фаолият, ходисалар ва 
шароитлар натижасида капиталнинг кўпайиши бўлиб, хусусий капиталга тўланадиган капитал бундан 
мустаснодир. 
Зарарлар 
- бу асосий фаолият ва барча хўжалик муомалалари, ходисалар, шароитлар натижасида 
хусусий капиталнинг камайиши бўлиб, харажатлар ёки хусусий капиталнинг тақсимланиши натижасидаги 
камайиш бундан мустаснодир. 
Тушунишга доир саволлар 
1.
Молиявий ҳисобот тузишнинг мақсадларини айтиб беринг. 
2.
Молиявий ҳисобот элементларини тан олиш мезонларини санаб беринг. 
3.
“Актив”, “Мажбурият”, “Хусусий капитал”, “Даромад”, “Харажат”, “Фойда” ва “Зарар” 
сўзларнинг мохиятини тушунтириб беринг. 
4.
Муддати узайтирилган даромад ва келгуси давр харажатлар тўғрисидаги тушунчаларга изох 
беринг. 
5.
Хисобланган харажатлар деганда нимани тушунасиз? Учта мисол келтиринг. 
6.
Нима учун бухгалтер “Соф фойда” тушунчасини ишлатади. 

---