Mavzu: biotexnologiyada odam va hayvon hujayralaridan foydalanish

5.12-rasm 
Ekstrasol preparati
– 
Pseudomonas 
va
 Bacillus subtillis 
asosida tayyorlangan 
bo‘lib, ko‘p yillik qishloq xo‘jalik ekinlarini etishtirishda samarali hisoblanadi. 
1 gramm torfli preparat tarkibida 6 mlrdan kam bo‘lmagan bakteriya hujayrasi
bo‘lsa, 1 ml suyuq preparatda 10 mlrdan ko‘p tirik hujayra saqlaydi. Preparat 
urug‘ va tuganaklarga ekish oldidan ishlov berish uchun, tuproqqa ko‘chat 
ekish oldidan va ekishdan keyin ishlov berish, o‘simliklarni vegetatsiya 
davrida oziqlantirish maqsadida qo‘llaniladi. Turli xil tuproq iqlim 
sharoitlarida kartoshka etishtirish uchun qo‘llanilganda yaxshi natija bergan. 
Bunda hosilning 20-30% gacha, ba’zi joylarda 40-60 s/ga oshishiga erishilgan. 
Lekin preparatni unumdorligi past qumloq tuproqlardagi samarasi qo‘shimcha 
ravishda organik moddalar berilmaganda pasayib ketishi mumkinligi 
aniqlangan. Kartoshkani ertangi va o‘rtacha ertangi navlarini tuproq harorati 
past bo‘lganda ham ekilganda, preparat bilan ishlov berish samarali natijalarni 
ko‘rsatgan. Ekstrasol sabzavotlarning saqlash davridagi buzilishining oldini 
olish uchun sabzi, kartoshka va karamda qo‘llanilganda ijobiy ko‘rsatkichlarga 
ega bo‘lgan. Torfli shaklining me’yori kartoshkaning ekish materialini olish 
uchun 1 ga erga 3 kg, suyuq shakli -3 litrni tashkil etadi.
 
Rizoaragin
preparati – Agrobacterium (A.radiobacter 204 shtammi) asosida shakllantirilgan. 1 
gramm preparatda 5-10 mlrd bakteriya hujayrasi mavjud. SHtamm bug‘doy, sholi va boshqa bir 
qator qishloq xo‘jalik ekinlari rizosferasiga yashab keta olishi aniqlangan. Preparatdan 
foydalanilganda kuzgi va bahorgi bug‘doydan 3-7 s/ga, arpadan 3-6 s/ga, sholidan 4-10 s/ga 
qo‘shimcha hosil olishga erishiladi. Bug‘doyda protein miqdori 0,5-1 % ga ortadi. Preparatning 
sarf me’yori 1 ga erga ekish uchun mo‘ljallangan urug‘lar uchun 500 grammni tashkil etadi.