Mavzu: Bilimlarni nazorat qilish va baholashni loyihalashtirish. Reja

Baholash mezonlari.
Baholash mezonlari va ko‘rsatkichlari yetarlicha aniq, o‘lchash imkoniyati mavjud, uni talabalar va ota onalar tushuna oladigan bo‘lishi kerak. O‘zbekiston respublikasi oliy ta’lim muassasalarida talabalar bilimini nazorat qilish va baholashning reyting tizimi to‘g‘risidagi nizomda baholash mezonlari namuna sifatida ko‘rsatib o‘tilgan.
Nizomda talabalarning bilim darajasi a’lo (86-100 ball), yaxshi (71-85 ball), qoniqarli (56-70 ball) mezonlar asosida baholanishi ko‘rsatilgan.
Umumiy o‘rta la’lim jarayonida baholash 5 ‒ a’lo, 4 ‒ yaxshi, 3 ‒ qoniqarli, 2 ‒ qoniqarsiz ko‘rinishida qoyiladi.
Informatika fani o‘qituvchilari mavzularni baholashda quyidagi umumiy mezonga asoslanadi .

Bilimlarni nazorat qilish va baholashning innovatsion metodlarini loyihalash. A.S.Agafonova "Baholash usuli - o'quv jarayoni davomida ta'limning muvaffaqiyati to'g'risida ma'lumot olish uchun fikr-mulohazalarni taqdim etish, o'qituvchilar va talabalar o'rtasidagi o'zaro ta'sir o'tkazish usullaridir"-deb ta’riflasa, P.I. Pidkasistiy "Nazorat usuli - ta'lim jarayoni haqida ma'lumot olish uchun o'qituvchilar va talabalarning ketma-ket o'zaro bog'liqlikdagi tashxislash tizimi ekanligini, B.A.Slastenin "Nazorat usullari - bu o'quvchilarning o'quv-biluv faoliyati va o'qituvchilarning pedagogik faoliyati samaradorligini aniqlash usullaridir” deb ta’riflaydilar .
Matritsali nazorat - bu bilimlarni boshqarishning noan'anaviy shakllaridan biri. Ushbu nazoratda javoblarning ko'p qirraliligiga yo'l qo'yilmaydi (testdan farqli o'laroq); oquvchi aniq javob berishi va aniq baho olishi kerak. Matritsali nazoratni boshqarishning mohiyati quyidagicha:
O’quvchilarga savollar oldindan tayyorlangan matritsalarning turli xil variantlarida beriladi va ularning har biri matritsada keltirilgan barcha javoblardan bittasini to'g'ri deb tanlaydi va uni "x" yoki "+" belgisi bilan belgilaydi. Ish oxirida o'qituvchi barcha javoblarni yig'adi.