Мавзу: “Бетакроримсан, ягонасан, она Ватаним – Ўзбекистоним

Фаоллаштирувчи савол ва топшириқлар (10 дақиқа – 2-слайд):
1. «Мустақиллик», «ягона», «бетакрор», «Она Ватан» сўзларининг маъносини биласизми?
2. Мамлакатимизда 24 йил давомида амалга оширилган ишларни бунёдкорлик, ривожланиш нуқтаи назаридан шарҳлаб беринг?
Ўқитувчи ўқувчиларга жавобларни флепчат қоғозга ёзишни таклиф қилади. Бунда ўқитувчи «Нима учун» саволини қўйиб занжирли матрица усулидан фойдаланади.
«Бетакроримсан, ягонасан, она Ватаним – Ўзбекистоним!» мавзуси юзасидан ўқувчиларга маълумотлар бериш (20 дақиқа – 3-16-слайдлар):
ўқитувчи дарсда «Бетакроримсан, ягонасан, она Ватаним – Ўзбекистоним!» мавзуси юзасидан маълумот бериш жараёнида «Ким эдигу ким бўлдик?» шиорига изоҳ берган ҳолда ушбу саволларга жавоб сифатида слайдлардаги маълумотлардан фойдаланади.
Топшириқ: Ўзбекистонда бозор иқтисодиётига ўтиш тамойилларининг мазмун-моҳиятини шарҳланг (17-слайд):
ўқувчилар гуруҳларга бўлинган ҳолда «ўзбек модели»ни шарҳлайди;
ўқитувчи ўқувчиларнинг жавобларини услубий қўлланма ҳамда 18-20-слайдлардаги маълумотлар орқали тўлдиради;
ўқитувчи мавзуни мустаҳкамлаш учун ўқувчиларга қўшимча маълумотлар беради. Бунда ўқувчиларнинг Ватан олдидаги бурчлари ҳақида тўхталиб ўтади (8 дақиқа – 18-21-слайдлар).
Мустақиллик ўз-ўзидан қўлга киритилмади. У тинимсиз курашлар, қийинчилик ва йўқотишлар, жасорат ва фидойилик маҳсулидир. 1991 йил 31 август санасида қўлга киритилган давлатимиз мустақиллиги XX асрда халқимиз томонидан амалга оширилган буюк жасорат намунаси эканини унутмаслик керак. Президентимиз бу борада буюк жасорат кўрсатиб, «советлар мафкураси» кенг қулоч отган муҳитда халқимизнинг мустақилликка эришишига бош бўлди. Барчамиз мустақиллигимизнинг қадрига етишимиз, уни асраб-авайлашимиз лозим.
Уйга вазифа:
Ҳурматли ўқувчилар! Сиз дарсдан кейинги бўш вақтингизда синфдош ва тенгдошларингизга:
мустақиллик сизга нима бергани, сиз давлат ривожи, мустақилликни асраб-авайлаш учун қандай ҳисса қўшишингиз мумкинлиги ҳақида суҳбатлашинг;
ота-она ва бобо-бувиларингиздан мустақилликка эришишдаги қийинчиликлар, мустақиллик, тинчлик ва бугунги куннинг аҳамияти ҳақидаги фикрини эшитинг;
шунингдек, уйда «Мен Ўзбекистон фарзанди эканимдан фахрланаман!» мавзусида эркин ижодий иш ёзиб келиш топширилади.