Мавзу: “Бетакроримсан, ягонасан, она Ватаним – Ўзбекистоним

Тарбиявий: мустақиллик биз учун миллий давлатчилигимизни, ўзлигимиз, инсоний ҳақ-ҳуқуқ ва қадр-қимматимизни тиклаш, урф-одат ва анъаналаримизни, муқаддас ислом динимизни, буюк аждодларимизнинг табаррук номларини улуғлаш, соғлом ва баркамол янги авлодни шакллантириш бўйича илгари тасаввур ҳам қилиб бўлмайдиган беқиёс имкониятлар очиб берганини кенг тушунтириш;
юртимизда ҳукм сураётган тинч ва осойишта ҳаёт, миллатлараро дўстлик ва ҳамжиҳатликни сақлаш, чегараларимиз дахлсизлигини асраш, узоқ ва яқин атрофимиздаги давлатлар билан дўстона муносабат ва ўзаро манфаатли ҳамкорликни янада мустаҳкамлаш, турли минтақа ва ҳудудларда хавф-хатар ва таҳдидлар тобора кучайиб бораётган таҳликали замонда доимо огоҳ, сергак ва ҳушёр бўлиб яшаш, сафарбарлигимизни янада ошириш – бугун ҳаётнинг ўзи барчамиздан талаб қилаётган энг муҳим ва долзарб вазифа эканига алоҳида аҳамият қаратиш;
жамиятимизда тинчлик ва осойишталик, миллатлар ва фуқаролар ўртасида дўстлик ва ҳамжиҳатлик, ўзаро ҳурмат ва меҳр-оқибат муҳити тобора мустаҳкамланиб, бу борада фуқаролик жамияти институтлари, ўзини ўзи бошқариш органлари, жумладан, маҳалланинг роли ва таъсири кучайиб бораётганини кўрсатиш.
Ривожлантирувчи: мустақиллик, осойишталик, тинчлик, барқарорлик, ватанпарварлик, хавфсизлик, ҳамжиҳатлик, бағрикенглик, дўстлик туйғуларини ривожлантириш.
Педагогик технологиялар: гуруҳларда ишлаш, суҳбат, баҳс-мунозара.
Дарс жиҳозлари:
техник жиҳоз: компьютер ва видеопроектор.
дидактик жиҳоз: Ислом Каримовнинг «Ўзбекистон мустақилликка эришиш остонасида», «Юксак маънавият – енгилмас куч» асарлари, мавзуга оид плакат, ўқув қўлланма ва бошқалар.
Дарс тузилмаси:
ташкилий қисм – 5 дақиқа;
ўқувчиларни фаоллаштириш – 10 дақиқа;
мавзу юзасидан маълумот бериш – 20 дақиқа;
мавзуни мустаҳкамлаш – 8 дақиқа;
уйга вазифа – 2 дақиқа.

Дастлаб ўқитувчи ўқувчиларни давлатимиз мустақиллигининг йигирма тўрт йиллиги ҳамда «Билимлар куни» билан табриклайди. Сўнгра ўқувчиларни дарс мавзуси ва шиори билан таништиради (5 дақиқа – 1-слайд).