Mavzu. "Bank ishi" fanining predmeti va vazifalari

1-MAVZU. “BANK ISHI” FANINING PREDMETI VA VAZIFALARI


Ma’ruza rejasi
1.1.“Bank ishi” fanining maqsadi, predmeti va vazifalari.
1.2.Fanning boshqa iqtisodiy fanlar bilan bog‘liqligi.
1.3.Banklarning mamlakat iqtisodiyotini rivojlantirish, real sektorni kreditlash, iqtisodiy islohatlarning borishi va samarasini ta’minlashdagi roli.
1.4.Bank tizimini isloh qilish, yanada rivojlantirish va banklararo raqobatni shakllantirish borasidagi vazifalar.


Mavzu bo‘yicha tayanch so‘zlar va iboralar


Bank so‘zi -italyancha «Vansa» so‘zidan olingan bo‘lib, «stol», aniqrog‘i «pulli stol» degan ma’noni anglatadi.
Xolding so‘zi-ingliz tilidan kirib kelgan bo‘lib, «egalik qilish» ma’nosini anglatadi.
sof xolding - faqat maxsus nazorat va boshqaruv maqsadlarida tuziladi;
aralash xolding - nazorat va boshqaruv vazifalari bilan birga sanoat, savdo, transport, kredit-moliya va boshqa sohalarda tadbirkorlik faoliyati bilan ham shug‘ullanadi.


1.1.“Bank ishi” fanining maqsadi, predmeti va vazifalari
«Bank ishi» mustaqil fandir. CHunki u o‘zining mustaqil predmeti, ob’ekti va metodiga ega. U:

• 
  bank faoliyatining huquqiy asoslari;
  
• 
  banklarni tashkil etish va ularning faoliyatini tugatish tartibi;
  
• 
  bank faoliyatini tartibga solish;
  
• 
  banklarning huquq va majburiyatlari;
  
• 
  banklarga vasiylik qilish tartibi;
  
• 
  banklarning moliyaviy ahvoli;
  
• 
  bank operatsiyalarini amalga oshirish tartiblari;
  
• 
  pul tizimi hamda pul muomalasini tashkil etish qoidalari;
  
• 
  valyutani tartibga solish va xalqaro rezervlarni boshqarish;
  
• 
  banklarni nazorat qilish;
  
• 
  banklarda hisob yuritish va hisobot;
  
• 
  bank menejmenti;
  
• 
  bankning rivojlanish tarixi kabi masalalarni o‘rganuvchi fandir.
  

Aynan shular «Bank ishi» fanining predmeti bo‘lib hisoblanadi. Bank va uning turli ko‘rinishlari «Bank ishi» fanining o‘rganish ob’ekti bo‘lib hisoblanadi (1-jadval).
Har qanday fan o‘z ob’ektini ma’lum usullarni qo‘llash yordamida o‘rganadi. Bank faoliyati, undagi sir-sinoatlarni ilmiy asosda o‘rganish, tahlil qilishda «Bank ishi» fani quyidagi usullardan foydalanadi
Ilmiy jihatdan asoslangan tahlil qayd qilingan usullarni chambarchas ravishda bog‘lab olib borilishini taqozo etadi.