Mavzu: Avtomobil kuzovini ta`mirlash ishlari uchun kerakli texnologik jihozlar

LOYIHANING MAQSAD VA VAZIFASI. 
Avtomobillardan foydalanishning samaradorligini oshirish va texnik tayyor 
holda tutib turish vazifalarini amalga oshirishda ularga texnik xizmat ko`rsatish(TXK) 
va ta`mirlash (T) texnologiyasini o`rganish, texnologik jarayonlarni tashkil qilishni 
takomillashtirish hamda bu ishlarni ilmiy asosda tashkil qilish muhim o`rin tutadi. Bu 
sohada tashkiliy-texnik tadbirlarni hayotga tatbiq etish avtomobil transportida 
erishilgan ilm va fan yutuqlari asosida amalga oshiriladi.
Avtomobillarning nosozliklarini bartaraf qilishda texnik xizmat ko`rsatish va 
ta`mirlash texnologiyasi asosiy bo`g`in hisoblanadi. Avtomobillarni ishga yaroqli 
holatda tutib turish, ular texnik holatining o`zgarish sabablarini va nosozliklarni 
aniqlash hamda bartaraf qilish usullarini o`rganish eng muhim vazifadir. Buning uchun 
avtomobil texnik holatining o`zgarish qonuniyatlarini o`rganish, texnik hujjatlarda 
keltirilgan talablar asosida ularning ishlash qobiliyatini saqlab turish usullarini ishlab 
chiqish hamda o`z vaqtida TXK va T ishlarini bajarish talab qilinadi. 
Bu bo`limda avtomobillardan foydalanish jarayonida sodir bo`luvchi 
nosozliklar, ularning kelib chiqish sabablari, avtomobillarning ishlash qobiliyatini 
tahminlovchi texnologik jarayonlar tavsifi, avtomobil agregatlari va tizimlariga texnik 
xizmat ko`rsatish va joriy ta`mirlash texnologiyasi to`g`risida ma`lumotlar berilgan. 
Isitish va ventilyatsiya tizimlarining asosiy buzuqliklari:
havo quvurlari va
ichaklarning germetikligi buziladi, havo filtri kirlanadi, elektr simlar yoki
ventilyatorni aylantiruvchi elektr dvigateli kollektorining plastinalari tutashib
qoladi.
Tutashmalarning nogermetikligi suv oqishidan va havo o`tishidan aniqlanadi. 
Nogermetiklik birikmalarni mahkamlab, ayrim detallarni kavsharlab va almashtirib 
bartaraf etiladi. Kirlangan filtr kerosinda yuviladi.