Мавзу Антисептика ва асептика асосларини ўрганиш.,Автоклав бўлими билан танишиш

Бажариш алгоритми:

1. 
   Асосий синамани қўйишдан олдин япроқчага мусбат ва манфий синамалар қўйилади
   
2. 
   Полистирол япроқчага кўз томизгичи ёрдамида аввал 2-флакондаги эритмадан бир томчи (мусбат назорат), сўнгра 3 –флакондаги эритмадан бир томчи томизилади ( манфий назорат)
   
3. 
   Ҳар бир томчига бир томчидан асосий индикаторли эритма (1-флакон) томизилади. Индикаторли эритма билан қўйилган синама мусбат бўлиб кўк рангга, манфий синама пушти рангга киради
   
4. 
   Назорат синамаларидан сўнг асосий синамани қўйиш учун 3-4 томчи дистилланган сув қуюлкади ва поршен орқали шприц девори бўйлаб бир неча маротаба итарилади.
   

Чайинди сувдан бир томчи олиб индикаторли эритма 1 –флаконга томизилганда кўк ранг ҳосил бўлиши қон қолдиғи борлигини кўрсатади.
Изоҳ:
Синама нам япроқчага ёки нам тортувчи юзага (қоғоз, пахта, дока) қўйилмайди. Синама қўйишга мўлжалланган япроқчалар яхшилаб ювилган ва қуритилган ҳолда кўп маротаба қўллаш мумкин. Япроқчани четидан ушлаш лозим, чунки унда қолган бармоқ излари мусбат синама бериши мумкин. Тиббиёт асбобларида синамани ҳона ҳарорати ёки 35⁰ С да қўйиш лозим.

Қонни экмага олиш тартиби

Кўпгина юқумли касалликларни ташхислашда қонни экмага олиш муҳим аҳамиятга эга. Амалиёт ходимлари сальмонеллезлар (сальмонел- лёзларнинг тарқалган шакли, ич терлама ва А ва В паратифлар)да қон экмасини гемоқўльтура, кокклар чақирадиган касалликлар (сепсис, менингококкемия)да қон стерилликка, бруцеллёзда эса ГГБ деб аташади. Қон экмаси қайси касалликда олинишидан қатъий назар олиш тартиби бир хил. Антисептика қоидаларига амал қилган ҳолда билак венасидан врач кўрсатмасига кўра маълум миқдорда қон олинади. Қон олишдан олдин хона кварцланади. Озуқ муҳит сақланган идиш қўл ёрдамида 36-37^оС га иситилади ва спиртовка ёқиб қўйилади. Қон олинган шприц ўнг қўлда тутилиб, чап қўлдаги муҳит сақланган флакон оғзи (пахтали тампон) ўнг қўлнинг учи ва бешинчи бармоқлари ёрдамида очилиб аланга устида қон флакон девори орқали муҳитга қуйилади. Сўнгра флакон огиз деворлари ва пахтали тампон термик зарарсизлантириб, флакон ёпилиб, термостатга қўйилади ва бактериологик лабораторияга юборилади. Идишни лабораторияга юборишдан олдин унинг коғозига исми, фамилияси, ёши, олинган вақти, ташхисии ёзилиши шарт.