Mavzu: Androidda “ World Countries ” mobil ilovasini yaratish. Kirish

Tadqiqot ob’ekti va predmeti. Android tizimida ishlaydigan kompyuterlar, smartfonlar va planshetlar ko’payib borayotgani uchun kelajak avlodga ayniqsa geografiya va tarix sohasidagi yoshlar uchun, dunyo davlatlari haqida ma’lumot beruvchi “World Countries” dasturi tadqiqotimiz ob’ekti sifatida olindi.

Android uchun mo’ljallangan dasturlarni yaratish texnologiyalari, vositalari, Flutter dasturlash tili ilmiy ishimiz predmeti hisoblanadi.

Ishning maqsad va vazifalari. Kelajagimiz poydevori bo’lmish yoshlarimizga texnologik asrning yangi texnikalari, ularning dasturiy vositalari bilan tanishtirish, xususan zamonaviy mobil operasion tizimlardan biri bo’lmish, eng tez tarqalib borayotgan Android OT bilan tanishtirish, unda ishlaydigan dasturlarning yaratilish usulini ko’rsatib berish ishimizning asosiy maqsadi hisoblanadi.

Tadqiqot maqsadidan kelib chiqqan holda quyidagi tadqiqot vazifalari belgilandi:

– Android operatsion tizimi haqida to’liqroq ma’lumotlarni qidirib topish, ularni o’rganish, tahlil qilish;

– Android operatsion tizimiga moslashgan gadjetlar (planshetlar, telefonlar, pleyerlar va h.k.)ni o’rganish, yirik kompaniyalar mahsulotlarini tahlil qilish;

– Android operatsion tizimida ishlaydigan dasturiy ta’minotlarning imkoniyatlarini o’rganish;

– *.apk kengaytmali dasturlarning yaratilishini o’rganish;

– Android OT da “World Countries” dasturining yaratish.