Mavzu: Andozalarni pardozlash,saklash va tamirlash. Reja: Zakrovli birikmalar

Eshiklar yuzalari o‘ng va orqa (teskari) yuzalarga ajratiladi. Orqa yuzalarga kesakining devorlarga tegib turuvchi yuzalari, tavaqalarning yuqorigi va pastki chetlari, oyna solinadigan choklar, qoplamalar, ustqo‘ymalar, peshburunlar, cho‘plarning boshqa detallar bilan biriktiriladigan yuzalari, shchit eshiklar tavaqalari sinchi va to‘ldirgichi taxtalarining ichki yuzalari hamda qoplama bilan biriktiriladigan yuzalari kiradi. Eshiklarning boshqa detallari va yig‘ma birliklari yuzalari o‘ng yuzalar hisoblanadi. Ayrim xonalarda «qo‘shimcha yoritish» uchun eshik tepasiga eni eshik eniga teng bo‘lgan piramon o‘rnatiladi.
Ikki tavaqali eshiklarda tavaqalar yopilganda hosil bo‘ladigan tirqish ikkala tomondan peshburun bilan bekitiladi. Turli tomonlarga ochiladigan tebranma tavaqali eshiklarning yopiladigan joyi peshburun bilan bekitilmaydi. Tashqi eshiklarning tagiga ostonalar o‘rnatiladi, ular issiqlik va tovush o‘tkazmaslik xususiyatlarini yaxshilaydi. Ichki eshiklar ostonali (kvartiraga kirish eshiklari) va ostonasiz (xonalararo eshiklar) qilinadi.
Osib qo‘yilishiga ko‘ra eshiklar o‘ng va chap tomonga osiladigan eshiklarga ajratiladi. Eshik o‘rnatilganda kesaki bilan devor o‘rtasida yuzaga keluvchi tirqish biror narsa bilan to‘ldirilib, chaspak bilan berkitiladi.
Tovush va issiq o‘tkazmaydigan qilish maqsadida, kvartiraga kirish eshiklariga penopoliuretandan qilingan zichlovchi qistirmalar qo‘yiladi.
Ramkali eshiklar vertikal, gorizontal va o‘rta (jaspak) taxtalardan tarkib topadi, bu taxtalarning qalinligi 44, 52, eni 122 mm bo‘ladi. Bog‘lovchi taxtalar (jaspaklar) bilan o‘rta taxtalar orasidagi bo‘shliqlar shchitlar - dilalar, oynalar bilan to‘lg‘aziladi. Dilalar taxtadan (asosan tashqi eshiklarda), fanerdan, yog‘och tolali yoki yog‘och qipiqli plitalardan qilinishi mumkin.