Mavzu: aminokislotalar va oqsillar oqsillarga sifat reaksiyalar. Darsning maqsadi

UGLEVODLARNI PERIODAT OKSIDLASH YO‘LI BILAN ANIQLASH
Uglevodlar periodatlar yoki qo‘rg‘oshin tetraatsetat bilan oksidlansa yonma-yon turgan gidroksil guruhlar tutuvchi C-C bog‘lar uziladi (Malaprad reaksiyasi). Shuningdek, -gidroksikarbonil, -aminospirtlar ham shunday tarzda oksidlanadi. Periodatlar suvli muhitda, qo‘rg‘oshin tetraatsetat esa suvsiz muhitda ta’sir etadi. Ushbu reaksiya uglevodlarni strukturaviy va miqdoriy analizida qo‘llanaladi.
Ishning borishi: Shliflangan probkali probirkaga 0,2-3,0 mg uglevod soling va uni 5 ml suvda eriting. Hosil bo‘lgan eritmaga natriy periodatning 1 ml 0,25 M eritmasi qo‘shing, aralashmani qaynab turgan suv hammomida 30 minut davomida qizdiring. Probirka sovutilgandan keyin ortiqcha periodatni parchalash uchun aralashmaga 0,2 ml etilenglikol qo‘shing. Bir vaqtning o‘zida kontrol tajriba qo‘ying, bunda uglevoddan tashqari barcha komponentlar olinadi. Eritmani natriy gidroksidning 0,1n eritmasi bilan metil qizili ishtirokida titrlang.
Reaksiya natijasida pentozalar 4 mol chumoli kislota, geksozalar 5 mol chumoli kislota, fruktoza va sorboza esa 3 moldan chumoli kislota hosil qiladi.
Tegishli reaksiya tenglamalarini yozing. Nima uchun glyukoza oksidlansa 5 mol, fruktoza oksidlansa 3 mol sirka kislotasi hosil bo‘ladi?

6. 
   O‘SIMLIK MATERIALIDAN ERUVCHAN PEKTINNI AJRATIB OLISH MIQDORINI ANIQLASH
   

Darsning maqsadi:Talabalarni o’simlik materialidan eruvchan pektinni ajratib olishni o’rgatish.Pektinni kimyoviy xossalarini o’rganish.


Darsning rejasi:1.Mashg’ulotning nazariy qismi bilan tanishish.
2.Tajribalar natijalarini muhokama qilish.
3.Yakuniy hisobot tayyorlash.
Dars uchun kerakli jihozlar : quritish shkafi, sentrifuga, suv hammomi, 25 ml li pipetka, 250 va 500 ml li o‘lchov kolbalar, chinni havoncha, 500 ml hajmli konussimon kolba, byuks, sirka ksilotasi (1 n.), natriy gidroksid eritmasi (0,1 n.), kalsiy xlorid eritmasi (2 n.), kumush nitrat (1 %), kvars, suv hammomi, moy hammomi, Byuxner voronkasi, bug‘latish uchun havoncha, shlifli sovutgich o‘rnatilgan konussimon kolba, 1 %li sulfat kislota eritmasi, bariy karbonat, hayvonot ko‘miri, etil spirti, qo‘rg‘oshin atsetat.