Mavzu: Alkenlar mavzusini o’qitishda grafik organayzerlardan foydalanish texnikasi Reja

Tadqiqot ob’yekti: umumiy o’rta va o’rta maxsus, kasb-hunar ta’limi muassasalari o’quvchilarida alkenlar mavzusiga oid tushunchalarni grafik organayzerlarning usul va vositalarini qo’llagan holda shakllantirish va rivojlantirish hisoblanadi.
Tadqiqot predmeti: kimyo o’quv qursi, [organik kimyo o`quv fanining mazmuni, o`qitish mеtоdlari, vоsitalari va shakllari].
Tadqiqotning ilmiy farazi: organik kimyoning alkenlar mavzusidan talabalar (o’quvchilar) chuqur va atroflicha puxta bilimlarga ega bo’ladilar, qachonki:

• 
  alkenlarning tabiatda uchrashi, olinishi, izomeriyasi va nomenklaturasi, fizik-kimyoviy xossalari, ishlatilishi tarzida ajratilib o’rgatilsa;
  
• 
  dars jarayonida o’quvchilarning mustaqil fikrlash, mantiqiy tafakkurlarini rivojlantira borish ko’zda tutilsa;
  
• 
  alkenlar mavzusini o’rganish mobaynida grafik organayzerlarning usul va vositalaridan keng foydalanilsa;
  
• 
  mavzu bo’yicha berilgan kimyoviy tayanch atamalar, ularning lug’aviy ma’nosi, mazmuni sinf taxtasiga yozib va tushuntirib borilsa.
  

Tadqiqotning vazifalari: Tadqiqot olib borishdan ko’zlangan maqsad uni hal etish bilan bog’liq ilmiy farazlar tubandagi vazifalarni hal etishni taqozo etadi:

1. 
   Alkenlar mavzusini o’qitishda grafik organayzerlarning usul va vositalarini qo’llangan dars ishlanmalarini qilish.
   
2. 
   Organik kimyoning “Alkenlar” mavzusiga oid tushunchalarni shakllantirish, darslarni o’tish uchun dars ishlanmalarini yaratish.
   
3. 
   Alkenlar mavzusini o’tish bo’yicha darslarni o’tishni sistemalashtirish.
   
4. 
   Alkenlar mavzusi bo’yicha talaba(o’quvchi)larning o’zlashtirish ko’rsatkichini aniqlash uchun test materiallarini tuzish va maxsus programmaga o’tkazish.
   

Tadqiqotning metodologik asosi bo’lib O’zbekiston Respublikasining Ta’lim to’g’risidagi qonuni, Kadrlar tayyorlash milliy dasturi, Respublika prezidenti I.A.Karimovning yoshlarga ta’lim-tarbiya berish xaqidagi bildirilgan fikr mulohazalari, farmoyishlari, Davlat ta’lim standartlari, o’quv dasturlari, darsliklar, taniqli pedagoglar, metodistlarning ilmiy tushunchalarni shakllantirishga oid asarlari hisoblanadi.