Mavzu: Ahmad Tabibiy

Ogahiy faylasuf, donishmand shoirki, oddiy hayotiy voqea orqali oqillarga xos fikr aytadi. Sen oqil bo‘lsang, jahon lazzatiga ko‘ngul qo‘yma, yosh bolalar qand ko‘rsa xursand bo‘lgani kabi, deydi shoir. Ogahiy bu dunyo lazzatiga ko‘ngul bermaslikka chorlovchi donishmandona fikrni shunchaki aytib qo‘ymaydi. Ifodada o‘ziga xoslik yaratib, tamsil san’ati orqali fikrini chiroyli dalillaydi hamda baytga hajviy ohang ham bag‘ishlaydi. Ogahiy she’riyatida bunday misollar o‘nlab topiladi.

Ogahiy ko‘p qo‘llagan she’riy san’atlardan yana biri tanosub edi. Tanosub qo‘llanish doirasi nihoyatda keng bo‘lgan va bir qator she’riy san’atlar bilan uzviy bog‘langan ma’naviy san’atdir. Klassik poetikaga doir bir qator manbalarda bu san’at “murot un-nazir” nomi bilan yuritiladi. SHuningdek, uni “etlof”, “muvohot”, “tavfiq” deb ham ataganlar… Tanosub baytni bir-biri bilan mazmunan bog‘lagan, aloqador bo‘lgan so‘zlar yoxud obrazlarning ma’lum bir munosabatda jamlanishini tashkil qilishdan iboratdir