Мавзу: 15 %ли томат пюреси ишлаб чиқариш линияси лойихалансин. Режа: Кириш боб. Умумий қисм

1.2.Томат пюре ишлаб чиқариш тўғрисида умумий маълумотлар.
Ишқаланган томат массасини олиш. Пўстлоқ ва уруғи ажратиб олинган
томат массаси томат пулпаси дейилади. Пулпа гомогенизасияланиб
деаерасиялангач, у томат шарбатига айланади. Томат шарбати, томат пюреси, томат пастаси ҳамда қуюлтирилган томат шарбати саноат ЯТМ ҳисобланади.
Томат пюреси ва пастаси томат пулпасини буғлатиш натижасида олинади. Ишлаб чиқариш операсиялари қуйидагилардан иборат: ювиш, инспексиялаш, мевани чайиш ва ундан сувни оқизиш, томатни майдалаш, иситиш, ишқалаш машинасида пулпа ва чиқитга фраксиялаш.
Томатларни қайта ишлашга бериш. Мевани қайта ишлашга узатиш учун
ҳар 1 мда 8–12 мм эгилиш билан ўрнатилган гидравлик транспортёр ишлатилади.
Унда сув оқади. Сув томатни ювади ва сех ичига суради.
Гидравлик транспортёр бетонланган канал кўринишида ташкил этилади. У полда ўрнатилади ва устига осон олинадиган металл плита ёки ёғоч қопқоқлар
қўйилади. Баъзан у ёғоч тарнов кўринишида қурилиши ҳам мумкин.
“Ланг” (Венгрия) русумли томат пастаси линиясида томат солинган
яшчиклар ролганг орқали томатни транспортёрга ағдариш мосламасига узатади.
Транспортёрдан томатлар гидрожелобга ўтади. Сув гидрожелобнинг бошланиши ва охирида томат ҳаракатига перпендикуляр йўналишда ўрнатилган форсункалар ёрдамида пуркалади. Узунлиги 16 м бўлган гидрожелобда 4 та тутгич ўрнатилган.
Тутгич усти йирик тешикли тўр билан тўсилган. Гидрожелобдан томатлар эгик қирғичли транспортёр ёрдамида ювиш машинасига узатилади.
Ювиш. Томатлар вентиляторли ювиш машинасида ювилади. Гидравлик
транспортёр ва ювиш машинаси орасига эгик ёки “ғозбўйин” транспортёр
ўрнатилади. Ёинки тўғридан-тўғри элеватор ювиш машинаси ўрнатилади.
Ювиш машинаси ва инспексия транспортёридан иборат агрегат ҳам
ишлатилиши мумкин. Ушбу машинанинг ишчи органи роликли лента кўринишида тайёрланади.
Томат совуқ сувда ювилади, баъзан вакуум-буғлатиш аппаратлари
конденсаторидан чиққан сув (30–38 0С) ишлатилади. Сув сарфи гидравлик
транспортёрда 4–5 л , ювиш машинасида 1 кг хом ашёга 0,7–1,2 л/кг.
Душларда сув босими 200–275 кПа.
Ёт механик жисмлар томат юзасидан тўлиқ ювиб олинади, эпифит
микрофлоранинг 87–97% ювиб юборилади. Ювишнинг самарадорлигини сувни гидравлик траспортёрдаги сув оқимига қарши йўналтириб ҳамда ювиш
машинасининг ваннасида ҳавони барботаж қилиш ёрдамида ошириш мумкин.
Ювишда қуруқ модда миқдорининг йўқолиши зарарланган ва ёрилган томатлар миқдорига боғлиқ.