Мавзу №1: Пульпитлар. Этиология,патогенез,таснифи. Ўткир ўчоқли пульпитнинг клиникаси, қиесий ташхиси

2. Оралиқ қават (субодонтобластик) – майда юлдузсимон ҳужайралар пульпоцитлардан иборат. Бу ҳужайраларни кўп ўсимталари бор. Пульпацитлар ўзаро бир-бири билан ва одонтобластлар билан десмосомлар ёрдамида бирикади. Пульпацит цитоплазмасида ўзаги овал ёки чўзинчоқ шаклда жойлашади, марказий қисмида ҳужайра органиодлари кузатилади.
3. Марказий қаватда – фибробласт, гистиоцит, плазматик ҳужайралар, лимфоцит ва моноцит каби ҳужайралар мавжуд.
Фибробласт – пульпанинг энг кўпчиликни ташкил этувчи ҳужайра ҳисобланади. Ҳажми 9-15 мкм, уларни ўсимталари бир неча маротаба узунроқ бўлади. Фибробласт цитоплазмасида митохондрия, рибосома ва фибриллалар жойлашади. Ўзаги овал ёки чўзинчоқ шаклда. Ҳужайра атрофида ва ретикулин толалар кузатилади, фибробластларнинг асосий вазифаси – пульпанинг асосий моддасини шакллантириш ва каллоген толаларни ҳосил қилиш ҳисобланади.
Гистоцит (фиксацияланган макрофаг). Пульпага батериялар тушса ёки модда алмашуви бузилса, бу ҳужайралар фаоллашади ва харакатчан (чин) макрофагларни хусусиятни бажаради, улар ёд модда, бактерияларни ютади.
Плазмоцит – бу плазматик ҳужайралар бўлиб, ҳажми 10-25 мкм ташкил қилади. Ўзаги овал ёки юмалоқ хроматин сақлайди. Интакт пульпада плазмоцитлар кам миқдорда бўлса, яллиғланишда – улар кўпаяди. Плазмацитнинг асосий вазифаси глобулин ва антитела ишлаб чиқариш ҳисобланади.
Базофил гранулоцит ва нейтрофил гранулоцитлар – юмалоқ ёки овал шаклидаги, икки – контурли мембрана билан ўралган ҳужайралар бўлиб, уларни ўзаги сегментланган, цитоплазмасида нейтрофил ва базофил гранулалар мавжуд. Ушбу гранулаларда ДНК – азд, РНК – азд, нордон фосфатаза, пероксидаза каби гидролитик ферментлар топилган. Бу ҳужайралар ҳимоя функциясини бажаради.
Лимфоцит – катта ўзакли, хар хил катталикдаги хроматин сақловчи овал шаклли ҳужайралар ҳисобланади. Лимфоцитнинг цитоплазмасида митохондрия, рибосома, голджи комплекси элементлари, ҳамда лизосома ва пеноцитозли пуфаклар кузатилади.
Адвентициал – ҳужайралар қон томирлар йўналишида жойлашади. Уларни гистоицит ёки фибробластларга трансформация қилиш хусусияти бор.