mavzu / soat / juftlik ppt тақдимотларини тайёрлаш ва расмийлаштириш тартиби

Microsoft PowerPoint тақдимотларни тайёрлаш ва ҳосил қилиш учун мўлжалланган бўлиб, унда яратилган тақдимотларда оддий анимациялар ҳосил қилиш мумкин. Маъруза, бизнес режа ва ҳоказолар тақдимоти бўлиб, ҳар бир тақдимот бир неча слайддан ташкил топган бўлиши мумкин.
Microsoft PowerPoint - универсал, имкониятлари кенг, кўргазмали графика амалий дастурлари сирасига кириб, матн, расм, чизма, графиклар, анимация эффектлари, овоз, видеоролик ва бошқалардан ташкил топган слайдларни яратиш имконини беради.
Microsoft PowerPoint дан фойдаланаётган ҳар бир фойдаланувчи ушбу дастурга киритилган янги усулларни юқори даражада баҳолайди. Компьютер технологиясининг ривожланиб бориши тақдимот масаласини ҳал этиш ҳам осон, ҳам тез ва асосийси, сарф-ҳаражатни жуда ҳам кам бўлишини таъминлайди. Шундай дастурлар яратилдики, сайдлар тайёрлаш учун матн, график муҳаррирлари, электрон жадвал, мультимедиа дастурлари ва интернет хусусиятларини боғлаган ҳолда, қуйидаги имкониятларни беради:
1) матн, расм чизма ва жадвалларни слайд саҳифасида белгиланган тартибда жойлаштириш;
2) матн, расм чизма ва жадвалларни слайд саҳифасида ихтиёрий тартибда жойлаштириш;
3) тақдимотдаги бир слайд безагини қолган барча слайдларга автоматик ўтказиш;
4) тақдимотдаги ҳар бир слайдни алоҳида кўринишда безаш;
5) тақдимотда мультимедиали слайдлар яратиш.
PowerPoint дастури Microsoft фирмасининг презентациялар (тақдимот қилиш, яъни таништириш) билан ишлаш учун энг қулай бўлган дастурий воситалардан биридир. Бу дастур орқали барча кўргазмали қуролларни яратиш, баъзи жойларда эса ундан маълумотлар базаси сифатида фойдаланиш мумкин. Айрим ҳолларда бу дастурда мультимедиа воситаларини бошқариш ва уларни қўллаб, намойиш этувчи қурилмаларга юбориш вазифалари ҳам бажарилади. Дастурдаги асосий тушунчалар бу слайд ва презентация тушунчаларидир.
Презентация (тақдимот) – яратилаётган слайдлар туркуми ва уни намойиш этиш учун бериладиган файл номи. Масалан: Презентация - PowerPoint дастури очилганда, сарлавҳалар қаторида пайдо бўлиб, яратилган ёки яратилаётган тақдимотнинг айни вақтдаги номи ҳисобланади. Бу номни кейинчалик ўз хоҳишингизга кўра алмаштиришингиз мумкин.
Презентациялар тайёрлашда қулайликлари жуда катта бўлган замонавий дастурлардан бири Microsoft PowerPoint да тайёрланадиган Презентация слайдларида расм, формула, графиклар, овоз ёзилган файллар, видеоклиплар ва ҳоказоларни жойлаштириш имкони берилган.