Mavjud manbashunoslikka oid adabiyotlar asosida yozma manbalami o'rganish va talabalarga o’rgatish usullari o'ziga xos xususiyatlari tahlili beriladi

Asar tarkibining tahlili

An’anaga ko'ra, tarixiy asarlar «Bismillohi Rahmonu Rahim* so'zidan keyin hamd, tahmid — Allohga hamdu sano bilan boshlanadi. So'ngra, na’t - Muhammad Payg'ambaming ta’rifi, maqtovi bitiladi. Yana to'rt sahobalar-Xalifai Roshidin, ya’ni to'g'ri yo'ldan yurgan xalifalar - Abu Bakr Siddiq, Umar, Usmon va Alilaming madhi o'rin oladi. Shundan keyin tarixchi o'z asariga homiylik qilgan shaxsni ulug'laydi. Alohida ibora «Ammo ba’d* so'zidan so'ng muallif o'zi va yozmoqchi bo'lgan asari to'g'risida ixcham ma’lumot yoki shu xususida ayrim tafsilotlarni zikr etadi. Buni mualliflar muqaddima yoki debocha deb ataydilar. Mana shundan so'ng asaming asosiy mazmuni bayon etiladi. Tarixiy asarlarda, asosan ikki uslubda voqealar bayon etiladi.

a) Xronologik tartibda, ya’ni yilma-yil. Bu tartibda «Tarixi Tabariy»,

♦Mujmali Fasixiy», «Matla’ as-sa’dayn* va «Bobumoma» kabi asarlaryaratilgan.

b) Tarixiy asarlarda eng muhim voqealar alohida sarlavha ostida bayon etiladi.

Bundan tashqari turli hududlarda yuz bergan voqealar alohida bayon etilishi mumkin. Yana ayrim tarixiy asarlarda yuqoridagi usullar aralash holida ham kelishi mumkin.