Матлаб тизимининг вазифаси ва имкониятлари

Дастурлардаги матнли шарҳлар
Матлаб тизими, асосан, мураккаб ҳисоблашларни амалга оширишга мўлжалланганлиги сабабли, бажарилаётган амаллар таснифини ошкорлиги, шафофлиги катта аҳамиятга эга. Бунга, хусусан, матнли шарҳлар ёрдамида эришиш мумкин. Дастурларда матнли шарҳлар % белги ёрдамида киритилади, масалан:
% It is factorial function.
Матлабнинг янги версияларида матнли шарҳни кирилчада ҳам киритиш имкониятлари мавжуд.
Одатда, m-файлларнинг биринчи қаторларида ушбу файл амалга оширувчи вазифалар таснифлари келтириб ўтилади. Мазкур тансифларни кўриш учун қуйидаги буюруқдан фойдаланилади:
>>help Файл номи
m-файл яхши ёзилган ҳисобланади, агарда матнли шарҳлар тўла тўкис келтирилган бўлса. Сабаби, бундай кўринишидаги шарҳларсиз хаттоки, дастурий модулларни ишлаб чиққан дастурчининг ўзи хам ёзилган модул қандай вазифани бажариб бериши мумкинлигини ёддан чиқариб қўйиши мумкин.
Ўзгарувчилар ва уларга қийматларни ўзлаштириш
Ўзгарувчилар – бу номга эга бўлган объектлар бўлиб, бу баъзи бир, одатда турли ҳил қийматларни сақлаш имкониятига маълумотлардир. Ушбу маълумотларга боғлиқ равишда ўзгарувчилар сонли ёки белгили, векторли ёки матрицали бўлиши мумкин. Ўзгарувчилар математика ва дастурлашда кенг тарқалган объектлар бўлибҳисобланади.
Матлаб дастурлаш тилида ўзгарувчига маълум бир қийматларни бериш мумкин. Бунинг учун ўзлаштириш амалидан фойдаланилади:
Ўзгарувчи номи=ифода
Ўзгарувчилар тури олдиндан эълон қилинмайди. Улар ўзгарувчиларга ўзлаштирилаётган ифодалар қийматлари орқали аниқланади. Демак, агар ифода вектор ёки матрица бўлса, у ҳолда ўзгарувчи шунга мос бўлади.
Ўзгарувчи номи (идентификатор) ихтиёрий сондаги белгилар дан ташкил топган бўлиши мумкин, аммо фақатгина бошидаги 31 та эслаб қолинади ва шулар орқали идентификация қилинади. Ўзгарувчи номи бошқа ўзгарувчилар, функциялар, процедуралар номи билан устма-уст тушмаслиги лозим, яъни ном ноёб бўлиши лозим. Гарчи ўзгарувчи номи харфдан бошланиши лозим бўлсада, орасида харфлар, рақамлар ва _ белгидан (подчеркивание) иборат бўлиши мумкин. Лекин, ўзгарувчи номларига бўш жойларни (пробелларни) ва махсус белгиларни, масалан +, -, *, / ва бошқа қўйиш мумкин эмас.