“Matematika fanida dasturiy vositalardan foydalanib test yaratish usullari” mavzusidagi malaka ishi tinglovchi: J. Eshonjonov



Download 103.67 Kb.
Sana17.09.2019
Hajmi103.67 Kb.

“Matematika fanida dasturiy vositalardan foydalanib test yaratish usullari” mavzusidagi   MALAKA ISHI

Tinglovchi: J. Eshonjonov


ANNOTATSIYA

Ushbu malaka ishi “Matematika fanida dasturiy vositalardan foydalanib test yaratish usullari” mavzusida bo’lib, kirish, asosiy qism, foydalanilgan adabiyotlar ro’yhatidan iborat. Kirish qismida mavzuning dolzarbligi, maqsad va vazifalari ko’rsatilgan. Asosiy qismda test topshiriqlari va uning asosiy shakllari, test topshiriqlarini tuzish metodikasi, ISPRING dasturi va dastur yordamida test tayyorlash usullari hamda testlardan namunalar keltirilgan.



MUNDARIJA
  • KIRISH
  • ASOSIY QISM:
  • Test topshiriqlari va uning asosiy shakllari
  • Test topshiriqlarini tuzish metodikasi
  • iSPRING dasturi va uning imkoniyatlari. ISPRING dasturi yordamida test tayyorlash usullari
  • iSpring QuizMaker dasturi yordamida testlar yaratish. Matematika fani misolida.
  • Hulosa va tavsiyalar
  • Foydalanilgan adabiyotlar ro’yhati.

MI ning asosiy maqsadi: Umumiy o’rta ta’lim maktab matematika fanida dasturiy vositalardan foydalanib test yaratish usullarini ishlab chiqishdan iborat.

Ishning amaliy ahamiyati: Umumiy o’rta ta’lim maktablaridagi sinflarda matematika o`quv jarayonida dasturiy vositalar yordamida test yaratishda matematika o’qituvchilari hamda amaliyotchi pedagoglar foydalanishlari mumkin.

“Test” atamasi birinchi marta amerikalik psiholog J. Kettel tomonidan 1890 yilda kiritilgan. “Test” atamasi inglizcha “test” so’zidan olingan bo’lib, tekshirish, nazorat, sinov ma’nolarini bildiradi. Pedagogikada “test” atamasi o’ziga xos shaklga va mazmunga, turli qiyinlik darajasiga ega bo’lgan, o’quvchilar o’zlashtirishi darajasini holisona baholash imkoniyatini beradigan topshiriqlar tizimidan iborat.

Test topshiriqlari – ta’lim natijalarini holisona nazorat qilishning didaktik va texnologik vositalaridan hisoblanadi.

Test sinovlari yordamida barcha o’quvchilarning bilimini bir vaqtda tekshirish, ularni mashg’ulotlarga puxta tayyorgarlik ko’rishga, mustaqil o’qish ko’nikmalarini rivojlantirishga o’rgatish, intizomini mustahkamlash kabi imkoniyatlar yaratiladi.



Testlarning o’quvchilar o’zlashtirishi darajasi bo’yicha tasnifi

Birinchi bosqich testlar

Tanib olish testlari

Qiyoslash testlari

Farqlash testlari

Bir necha variantli test-topshiriqlar

Ikkinchi bosqich testlar

Ma’lumotni eslash testlari

Konstruktiv testlar

To’ldirish testlari

Uchinchi bosqich testlar

Ijodiy qobiliyat testlari

Test topshiriqlarini tuzish metodikasi

1. Yopiq test savollari

O’quvchi javob berishi kerak bo’lgan savol yoziladi, keyin to’g’ri javobni aniq va lo’nda qilib yoziladi, keyin javobdan kalit so’z yoki formula, belgi, simvol, harflarni o’zgartirib, tushirib qoldirib noto’g’ri javob variantlari tuziladi.

2. Ochiq test savollari

O’quvchi javob berishi kerak bo’lgan savol yoziladi, bunda o’quvchining vazifasi yetishmayotgan kalit so’z yoki ma’lumotni yozish. Savolni shunday tuzish lozimki, topilishi kerak bo’lgan kalit so’z gapning oxirida bo’lsin, aks holda savolning mazmunini anglash qiyinlashadi. Topshiriq tinnglovchi uchun topshiriqni bajarishga ko’rsatma bilan boshlanadi, masalan, “tushirib qoldirilgan so’zni toping”, kabi.

3. Moslikni topish test savollari

O’quv materialiga asoslangan holda, bir xil xususiyatlarga ega bo’lgan ma’lumotlardan ikkita ustun tuziladi. O’ng tarafdagi ustunda so’zlar chap tarafdagi ustundan bir nechta ortiq bo’lishi ham mumkin. Javoblarni tekshirish qulay bo’lishi uchun chap tarafdagi ustunni raqamlar bilan, o’ng tarafdagi ustunni harflar bilan belgilang. O’quvchi o’ng tarafdagi ustunda berilgan ma’lumotlarga chap ustundagi qaysi ma’lumotlar mos kelishini topishi kerak.

4. To’g’ri ketma-ketlikni topish test savollari



O’quvchiiga ko’rsatma beriladi: “To’g’ri ketma-ketlikni toping”. O’quvchi berilgan javob variantlarini to’g’ri ketma-ketlikda qo’yib chiqishi kerak, bu ketma-ketlik xronologik yoki boshqa mantiqiy tartib bo’lishi mumkin. Bunda o’quvchiga berilgan ko’rsatma aniq bo’lishi kerak, agar berilgan ro’yxatda mantiqiy ketma-ketlikka kirmaydigan (ortiqcha) elementlar bo’lsa, bu ham ko’rsatmada aytib o’tilishi kerak. Topshiriqqa kiritilgan elementlar soni 5tadan 12 tagacha bo’lishi mumkin.

Do'stlaringiz bilan baham:


Ma'lumotlar bazasi mualliflik huquqi bilan himoyalangan ©hozir.org 2019
ma'muriyatiga murojaat qiling

    Bosh sahifa