"matematika" fakulteti

ayrıqsha jaǵdaylardan qorǵawdiń huqıqıy támiyinleniwi 
Mámleketimiz puqaraları hám aymaǵın hár tárepleme qorǵaw, jurtımız 
abadanlıǵı, xalqımız párawanlıǵın támiyinlew maqsetinde húkimetimiz tárepinen 
bir qatar buyrıqlar, nızamlar, qararlar islep shıǵılǵan. Puqaralardıń huqıqıy 
normalarǵa ámel etiwi nızam aldındaǵı óz huqıq hám minnetlerin tereń ańǵarıwı 
demokratiyalıq puqaralıq jámiyeti huqıqıy mádeniyatın belgileydi.
Respublikamız xalıq hám aymaqlardı ayrıqsha jaǵdaylardan qorǵawdıń ayriqsha 
huqıqıy -normativ tiykarları bar. Bular Ózbekstan Respublikası Konstitusiyası, 
Ózbekstan Respublikası Prezidentiniń qararları, Ózbekstan Respublikası nızamları, 
ministrler Mákemesiniń qararları hám ayrıqsha jaǵdaylar wazirliginiń kórsetpe 
hám buyrıqlarınan ibarat.
Ózbekstan Respublikası Konstituciyasiniń tiykarǵı mazmunın da insan, onıń 
qádir-qimbatı, salamatlıǵın saqlaw, huqıqıy tárepten qorǵaw, jurtımız 
paraxatshiliǵin támiyinlew máseleleri quraydı. Insannıń turmısı, jasawǵa bolǵan 
huquqi Konstitutsiya menen qorǵaladı. 
Konstituciyamızda qawipsizlik, puqaralar qáwipsizligi máselelerine de orın 
berilgen. Ózbekstan Respublikası Konstituciyasiniń 93-statyasında sonday dep 
ataladı : Ózbekstan Respublikası Prezidenti ayrıqsha jaǵdaylar (real sırtqı qáwip, 
ǵalabalıq tártipsizlikler, iri apat, tabiy apat, epidemiya ) júz bergen jaǵdayda 
puqaralardıń qawipsizligin támiyinlewdi gózlep, Ózbekstan Respublikasınıń pútkil 
aymaǵında yamasa onıń ayırım orinlarinda ayrıqsha jaǵday jaryalanıwın qabıl 
etken, ayrıqsha jaǵday úsh kún dawamında Ózbekstan Respublikası Joqarı 
Keńesiniń tastıyǵına kiritedi. Ayrıqsha jaǵday engiziw shártleri hám tártibi nızam 
menen belgilenedi. 

---

Joqarı Keńestıń kepilliklerine Ózbekstan Respublikası Prezidentiniń ulıwma 
yamasa bir bolegin saparbarlik járiyalaw, ayrıqsha jaǵday engiziw, onıń múddetin 
uzaytırıw hám toqtatıw tuwrisindagi húkimlerin tastıyıqlaw kiredi (78-statya ). 
Jergilikli húkimet shólkemleriniń Konstituciyamız tárepinen belgilengen 
wazıypaları qatarına atap aytqanda tómendegiler kiredi: 
Nızamlılıqtı, huqıqıy -tártipti hám puqaralardıń qawipsizligin támiyinlew; 
jergilikli byudjetti qáliplestiriw jáne onı atqarıw, jergilikli saliqlar, jıynawlardı 
belgilew, byudjetten tısqarı fondlar payda etiw. 
Átirap ortalıqtı qorǵaw (100 - statya ). Bul wazıypalardı nátiyjeli ámelge asırıw 
ushın qáwipsizliktiń nızamlı, shólkemlestirilgen, ekonomikalıq, social, injener-
texnik, arnawlı tiykarlarına ıye bolıwımız zárúr. 
Ózbekstan Respublikası Prezidentiniń 1996 jıl martdaǵı PF-1378 Pármanı 
tiykarınan Ayrıqsha jaǵdaylar ministrligi dúzildi. 
Bul Pármanǵa muwapıq Ózbekstan Respublikası Ayrıqsha jaǵdaylar ministrligi 
xalıq hám aymaqlardı túrli tusdegi ayrıqsha jaǵdaylardan qorǵaw, júz bergen 
táǵdirde aqıbetlerin saplastırıw, xalıq turmısı hám salamatlıǵın, materiallıq hám 
ruwxıy qádiriyatların qorǵaw, sonıń menen birge tınıshlıq hám áskeriy dáwirde 
ayrıqsha jaǵdaylar payda bolǵanda olardıń aqıbetlerin saplastiriw hám de 
ziyanların kemeytiw salasında mámleket siyasatın islep shıǵıw hám ámelge asırıw 
ministrliktiń tiykarǵı wazıypaları retinde belgilendi. 
Xalıq hám xalıq xojalıǵı obektlerin qorǵawdı támiyinlewge basshılıq qılıw 
respublikada Ózbekstan Respublikası Bas ministriniń birinshi orınbasarı Ayrıqsha 
jaǵdaylar ministrine júkletildi. Pármandiń bul bandine Ózbekstan Respublikası 
Prezidentiniń 1998 jıl 11 dekabr degi PF-2153 Pármanı menen ózgertiw kirgizildi. 
Ózbekstan Respublikasında xalıq hám xalıq xojalıǵı obektlerin qorǵawdı 
támiyinlewge baslıq etip, Ózbekstan Respublikası Bas ministri belgilendi. 
Qaraqalpaqstan Respublikası, wálayatlar, qalalarda, rayonlarda, Qaraqalpaqstan 
Respublikası ministrler Keńesi Baslıǵı hám tiyisli aymaqlardıń hákimleri; 

---

ministrlikler, keńseler, awqamlar, kárxanalar, mákemeler hám shólkemlerde 
ministrler, mámleket komitetleri hám awqamlar basqarıwları baslıqları, kárxanalar, 
mákemeler hám shólkemlerdiń direktor hám basshıları xalıq hám xalıq xojalıǵı 
obektlerin qorǵawǵa baslıq etip belgilendi.