Матбабаев М. М. “Электр техникаси, электр механикаси ва электр технолгиялари” кафедраси

Роликли пайвандлаш. Мазкур усулда пайвандлаш қурилмаси 32 - расмда келтирилган. Расмда : 1 - пайвандлаш трансформатори; 2- роликли электродлар ; 3- роликларни айланма харакатга келтирувчи юритма; 4 - пайвандланаётган деталлар.
Мазкур усулда, айланаётган роликлардан ток ўтказиш орқали деталларни узлукли ва узлуксиз чок билан пайвандлаш амалга оширилади. Пайвандлаш хусусиятларига кўра нуқтали пайвандлаш усулига ўхшайди. Роликли пайвандлаш юпқа қалинликдаги деталларни, масалан ёқилғи баклари, турли маҳсулотни ташиш учун белгиланган бочкаларни пайвандлаш ишларида қўлланилади.

Назорат саволлари:

1. 
   Қандай усулда пайвандлаш контактли пайвандлаш дейилади?
   
2. 
   Контактли пайвандлашнинг қандай усулларини биласиз?
   
3. 
   Чокли пайвандлаш қандай амалга оширилади?
   
4. 
   Нуқтали пайвандлашнинг қандай хусусиятларини биласиз?
   
5. 
   Роликли пайвандлаш усулини тушунтиринг.
   
6. 
   Эритмай ва эритиб пайвандлаш жараёнларини қандай тушунасиз?
   
7. 
   Қайси усулда пайвандлашда ўтиш қаршилиги ҳисобга олинади?
   
8. 
   Пайвандлаш қурилмаларининг белгиланишига кўра чокли пайвандлаш турларини айтинг.
   
9. 
   Контактли пайвандлашда пайвандланувчи юзаларни айтиб ўтинг.
   
10. 
    Роликли усулда қандай маҳсулотлар пайвандланади?
    

АДАБИЁТЛАР

1. Болотов А.П., Шепель Г.А. Электротехнологические установки.- М.: Высшая школа, 1988. 308-320 бетлар.

2. Евтюкова И.П. и др. Электротехнологические промышленные установки.-М.: Энергоиздат, 1982.
43 – Маъруза. Электролиз қурилмалари, турлари. Умумий тушунчалар
Электрокимёвий ишлов бериш қурилмалари.


Режа:
1. Электролиз қурилмалари.
2. Электрокимёвий ишлов беришнинг асослари.

Таянч сўзлар ва иборалар: Электрокимё; электролитлар; электролитик диссоциация; молизация; электролитларда электр токи; ионнинг металлдан чиқиш иши; гидратация энергияси; катионлар; аннонлар; электрокимёвий эквивалент.

Электрокимё - фан сифатида ионлар фаолияти ва шунингдек, қаттиқ жисм ва қоришма ўртасидаги чегарадаги ходисаларни ўргатади. Бундай ходисаларни ўрганишда қоришма сифатида электролитлар асос қилиб олинади.
Электролитлар деб, электролитик диссоциация натижасида ионлар ҳаракатидан иборат электр токини ўтказиш қобилиятига эга бўлган моддалар, қоришма ва эритмаларга айтилади. Металлар ва ярим ўтказгичлардан фарқли ўлароқ электролит қоришмалари ва эритмалари ион ўтказувчанлигига эга.