Матбабаев М. М. “Электр техникаси, электр механикаси ва электр технолгиялари” кафедраси

5-Мавзу. Билвосита қиздирувчи қаршилик печларининг турлари ва конструкцияси.


Режа:
1.Даврий режимда ишловчи электр қаршилик печлари.
2. Узлуксиз (доимий) режимда ишловчи электр қаршилик печлари.


Таянч иборалар: Камерали печ, қалпоқ типидаги, элеватор типидаги, шахта типидаги, стенд; печь камераси; юқори ҳароратга чидамли муфель; қиздирувчи элементлар;


Даврий режимда ишловчи электр қаршилик печлари.
Қуйида даврий режим ЭҚП ларнинг тузилиши келтирилган. Бунда а- қалпоқ типидаги; б - элеватор типидаги ; в - камерали; г - шахта типидаги.
2.2-расмда қуйидаги белгиланишлар қўлланилган: 1-махсулот ўрнатиладиган стенд; 2-печь камераси; 3 - юқори ҳароратга чидамли муфель; 4 - қиздирувчи элементлар; 5 - қиздирилаётган маҳсулот; 6 - печнинг пастга тушириладиган туби; 7 - кўтарувчи қурилма; 8 - печь қопқоғи.



Даврий режим ЭҚП ларнинг тузилиши


“Қолпоқ“ типидаги печь - футеровкаланган (юқори ҳароратга чидамли) ва қўзьалмас стендга қиздирилувчи махсулот ўрнатилган бўлиб, устидан аввал ўтга чидамли муфель ўрнатилиб, сўнгра маҳсулотни қиздириш учун мўлжалланган қ.э. билан таъминланган “қолпоқ“ ўрнатилади. Қ.э. лар қолпоқнинг ички ён деворларига ўрнатилган. Қ.э. лар электр энергияси манбасига эгилувчан кабель ва штепсель ажратгичлари ёрдамида уланади. Маҳсулот ва “қолпоқ” кўтариш кранлари ёрдамида стендга юкланади ва туширилади. Иссиқлик энергиясидан фойдаланиш эффективлиги ва ишлаб чиқарувчанлигини ошириш мақсадида 2-3 стенддаги маҳсулотга иссиқлик ишлови бериш учун битта “қолпоқ“ дан фойдаланилади (биринчи стенддаги маҳсулот қиздириб бўлингач, “қолпоқ“ кран ёрдамида иккинчи ва сўнгра учинчи стендга олиб ўрнатилади, бунда маҳсулотни совутиш жараёни муфель ичида давом эттирилади ва оқибатда бор йўғи муфель ва қолпоқда йиғилган ва 10 - 15 % ни ташкил қилган миқдордаги иссиқлик энергияси йўқолишига эришилади). Бундай ЭҚП ларнинг ишчи ҳарорати 350 ^оС дан 1250 ^оС гачани ташкил этади. Мисол учун, 1,5 х 2,0 х 6,0 м катталикдаги ва массаси 100 тонна бўлган маҳсулотни қиздириш печининг қуввати 570 кВт ни ташкил этса, бундан 500 кВт “қолпоқ” қувватини 70 кВт стенд қувватини ташкил этади.